امریکا افغانستانده گی عسکرلرینی چیقریشیدن خبر بیردی

امریکالیک ایککی نفر مسؤل بو توغریده معلومات بیردی

1529797
امریکا افغانستانده گی عسکرلرینی چیقریشیدن خبر بیردی

امریکا قوشمه ایالتلری ملی مدافعه وزیری وکیلی کریستوفر میلر اولکه سی نینگ افغانستان و عراقده گی عسکرلری نینگ سانینی کیلگوسی ییل نینگ 15 جنوری تاریخی گچه 2 مینگ 500 کیشی گه توشیریلیشیدن خبر بیردی.

میلر مدافعه وزیرلیگی (پینتاگون) ده مطبوعاتی کنفرانس اویوشتیردی.

"2021- ییلی 15 جنوریدن اعتباراً افغانستانده گی عسکر سانیمیز 2 مینگ 500 کیشی بوله دی. عراقده گی عسکر سانیمیز هم خوددی شو شکلده 15 جنوریدن اعتباراً 2 مینگ 500 نفر بوله دی" دیدی.

کریستوفر میلر امریکا قوشمه ایالتلری دولت باشلیغی دونالد ترامپ نینگ بو قراری نینگ ملی خوفسیزلیک موضوعی بیلن تینگ ایکن لیگینی نیچه آیدن بیری ملی خوفسیزلیک گروهی بیلن مصلحت قیلیب تورگن لیگینی ایتدی.

میلر بو توغریده ناتو باش منشیسی ینس ستولتنبرگ و افغنستان جمهور باشلیغی اشرف غنی بیلن بیر قطارده متفق اولکه ییتکچیلری بیلن مصلحت قیلگن لیگینی افاده ایتدی.

میلادی 2001- ییلی 11 سپتامبر هجوملری نینگ آرتیدن افغانستان و عراق نینگ اشغالی بیلن باشله گن اوروشلرنی اداغگه ییتکیزه جکلرینی تیلگه آلگن میلر "باله لریمیزنی بو آغیر اوروش یوکیدن قوتقریب آله میز" دیب گپیردی.

امریکا قوشمه ایالتلری ملی خوفسیزلیک مصلحتچیسی رابرت اوبرایئن ایسه آق اویده قیلگن صحبتیده شولرنی ایتدی.

"عراق و افغانستانده قالگن عسکرلر بویوک ایلچیلریمیزنی و امریکا قوشمه ایالتلری حکومتی نینگ بو جایده گی اداره لرینی قوریقله یدی. بو عسکرلر دیپلوماتلرنی قوریقلر ایکن دشمن نی قیته ریب برطرف ایته دی. دولت باشلیغی ترامپ می آییگچه بو اولکه لرده گی برچه عسکرلرنینگ امنیتلی بیر شکلده اوی – جایلریگه قیتیش لرینی کوتماقده" دیب افاده ایتدی.  



علاقه لی ینگی لیکلر