اورته ییر دینگیزیده بیر کیمه باتیب کیتدی

اورته ییر دینگیزیده قاچقینلرنی تشووچی بیر قَییق لیبیا دینگیز ساحه سیده ایککی گه ایریب باتیب کیتیشی عاقبتیده 1 ته چقلاق توپلم 6 کیشی حیاتینی یوقاتدی.

اسپانیا نادولت همجمعیت تشکیلاتی اوپین آرمس، تویتر آرقه لی بیرگن معلوماتده لیبیا دینگیز ساحه سیده باتماقده بولگن قَییق ده گی قاچقینلر اوچون قوتقروو عملیاتی اویوشتیریلگن لیگینی بیلدیردی.

قوتقروو جریانیده ایککی ته گه ایریلیب کیتگن قَییقدن سووگه توشیب کیتگن قاچقینلردن 110 کیشی نینگ قوتقریب آلینگن لیگی 1 ته چقلاق 6 کیشی نینگ حیاتینی یوقاتگن لیگی قید ایتیلدی.

ایتالیا قیرغاق خوفسیزلیک قومندانلیگی تامانیدن حادثه بیلن تیگیشلی یازمه بیانات بیریلدی. لیبیا قیدیروو – قوتقروو ساحه سی ایچیده قیین وضعیت گه قالگن قاچقینلر قَییقی نینگ ایرته لب تانگ وقتی اروپا چیگره قوریقلش باشقرمه سی (FRONTEX) تامانیدن گزمه جریانیده تاپیب آلینگن لیگی و اوپین آرمس کیمه سی نینگ منطقه ده قیدیروو – قوتقروو فعالیتی گه کیریشگن لیگی افاده ایتیلدی.

بیاناتده ساغلیق وضعیتی یمان بولگن 4 ته قاچقین نینگ اوپین آرمس کیمه سیدن آلیش اوچون ساغلیق گروهی بولگن گزمه قَییقی نینگ بارگن لیگی قید ایتیلدی.