جو بایدن امریکا قوشمه ایالتلری نینگ جمهوررئیسی ایتیب سیلندی

امریکا قوشمه ایالت لری ده 3 نوامبرده بولیب اوتگن سیلاو نتیجه سیده دموکرات لر نینگ کاندیدی جو بایدن جمهوررئیس ایتیب سیلندی. 

اسوشیتید پرس خبر آژانسی نینگ بیرگن خبری گه کوره, بایدن, پنسلوانیا ایالتی ده رقیبی دونالد ترامپ نی مغلوب ایتدی.

اسوشیتید پرس, پنسلوانیا ده رای لرنینگ سنه لیشی بوییچه پروسه نینگ تکمیل بولگن لیگی نی معلوم قیلر ایکن, بایدن نینگ اوشبو ایالت ده رای لرنینگ 49,6 فایزی نی کسب ایتیب ایالت ده گی 20 الکترال کالج گه ایگه بولگن لیگی نی بیلدیردی.

شونده ی قیلیب بایدن, امریکا قوشمه ایالتلری ده توپلم 284 الکترال کالج گه ایگه بولدی. 

جو بایدن نینگ جمهوررئیس ایتیب سیله نیشی آرتیدن, کماله هریس هم مهاجر بیر جمهوررئیس اورینباسری عیال کیشی اوله راق تاریخ گه ثبت ایتیلدی. 

عینی دمده هریس کالیفورنیا سناتوری اوله راق وظیفه اجرا ایتماقده. 

نتیجه نینگ اعلان ایتیلیشی آرتیدن بایدن, "امریکا خلقی نینگ مینگه و جمهوررئیس اورینباسری ایتیب سیلنگن هریس گه ایشانگن لیگی اوچون فخرلندیم" دییه قید ایتدی. 

ترامپ هم اوشبو خصوصده بیانات بیردی.

ترامپ, "خلق حقی بولگن صمیمی رای سنه لیشی و طلب ایتگن دموکراسی گه ایگه بولگونگه قدر توخته میمیز" دییه قید ایتدی.