تاجکستانده امام علی رحمان جمهور باشلیغی ایتیب سیلندی

تاجکستانده توناون کونی بولیب اوتگن سیلاولرده امام علی رحمان  90،92 فایز رای آلیب 5- مرته جمهور باشلیغی ایتیب سیلندی.

جمهور باشلیغی مدتی 7 ییل بولگن تاجکستانده توناون کونی بولیب اوتگن سیلاولرنینگ غیر رسمی نتیجه لریگه کوره رحمان  90،92 فایز رای آلیب 5- مرته جمهور باشلیغی ایتیب سیلندی.

تاجکستان مرکز سیلاو کمیسیونی باشلیغی بختیار خدایارزاده اویوشتیرگن مطبوعاتی کنفرانسده 4 میلیون 221 مینگ سیلاوچی نینگ رای بیرگن لیگینی شونده ی بولیب اشتراکچی نینگ 85،39 فایزنی تشکیل ایتگن لیگینی بیلدیردی.

خدایارزاده، اقتدارده گی خلق دموکرات حزبیدن کاندید بیریلگن امام علی رحان نینگ 90،92 فایز رای آلگن لیگینی معلوم قیلیب اولکه ده اینگ کتته 2- حزب وضعیتیده گی دهقانلر حزبی ییتکچیسی رستم لطیفزاده نینگ 3،03 فایز، اقتصادی ریفورملر حزبی ییتکچیسی رستم رحمتزاده نینگ 2،15 فایز، سوسیالیست حزبی ییتکچیسی عبدالحلیم غفارزاده نینگ 1،49 فایز و کمونیست حزبی ییتکچیسی معراج عبدالله یف نینگ ایسه 1،17 فایز رای آلگن لیگینی قید ایتدی.

بوندن آلدین 1994، 1999 و 2006 ییللریده جمهور رئیسلیک سیلاولرینی قازانگن رحمان ینه 2013 – ییلی 6 نوامبرده بولیب اوتگن سیلاوده 83،92 فایز رای آلیب تورتینچی مرته جمهور باشلیغی ایتیب سیلنگندی.