اوروپا بیرلیگی کینگشی نینگ باشلیغی میشل قرنطین گه توشدی

اوروپا بیرلیگی رهبر لر ییغیلیشی, همکار لری دن بیری نینگ کووید 19 تستی نینگ مثبت چیققن اوروپا بیرلیگی کینگشی باشلیغی چارلس میشل نینگ قرنطین گه توشگن لیگی سببلی 1-2 اوکتوبر گه معطل قیلیندی. 

میشل نینگ سوزچیسی باریند لیتس, میشل نینگ اوتگن هفته ده یقین ارتباط قورگن خوفسیزلیک مسئول لری دن بیری نینگ کووید 19 تستی نینگ مثبت چیققن لیگی نی معلوم قیلدی.

سوزچی, میشل نینگ منظم روشده تست قیلدریب کیلیاتگن لیگی و اوتگن کون قیلینگن تست نینگ هم منفی چیققن لیگی نی معلوم قیلرایکن, بلژیک قاعده لری گه کوره توناوون دن باشلب قرنطین گه توشیشی کیره ک ایکن لیگی نی بیلدیردی. 

سوزچی, "اوروپا بیرلیگی کینگشی نینگ باشلیغی میشل, 24-25 سپتامبرده بولیب اوتیشی ریجه لنگن خصوصی اوروپا بیرلیگی رهبر لر ییغیلیشی نی 1-2 اوکتوبر گه معطل قیلیش گه قرار قیلدی" دییه قید ایتدی.

اوشبو رهبر لر ییغیلیشیده, شرقی اورته ییر دینگیزی و تورکیه بیلن اوروپا بیرلیگی اورته سیده گی مناسبت لر دن تشقری, چین, کووید 19 گه قرشی تدبیر لر و اقتصادی سیاست لر باره سیده بحث ایتیلیشی کوتیلماقده.