اروپا بیرلیگی انگلستان نی فوق العاده جلسه گه چقیردی
انگلستان نینگ اروپا بیرلیگیدن اجره لیشی کیلیشووی نینگ بعضی بیر ماده سیده اوزگریش کیلتیریلیشینی ریجه له گن لیگی بیلدیریلدی
اروپا بیرلیگی برکسیت (انگلستان نینگ اروپا بیرلیگیدن اجره لیشی) نینگ بعضی بیر ماده سیده اوزگریش کیلتیریلیشینی ریجه له گن لندن اداره سینی فوق العاده جلسه گه چقیردی.
اروپا بیرلیگی کینگش باشلیغی اورینباسری مروس سفکویک، انگلستان نینگ برکسیت کیلیشووی نینگ بعضی بیر ماده سینی اخلال قیلیب اوزگریش کیلتیرماقچی بولگن لیگی نینگ یوزه گه چیقیشی نینگ آرتیدن بلجم نینگ پایتختی بروکسلده مطبوعاتگه بیانات بیردی.
انگلستان باش وزیر اورینباسری مایکل گاو Michale Gove بیلن تیلفون آرقه لی اوچره شگن لیگینی بیلدیرگن سفکویک، "انگلستانگه قیغولریمیزنی قتّیق بیر شکلده بیلدیردیم. ایرلند بیلن شمالی ایرلند کیلیشوویگه بوتونله ی و وقتیده رعایت قیلینیشی بوییچه ایشانچ طلب قیلدیم" دیب گپیردی.
سفکویک، اروپا بیرلیگی – انگلستان اورته سیده گی اجره لیش کیلیشووی مشترک کمیته سینی قیسقه مدت جریانیده فوق العاده جلسه گه چقیرگن لیگینی افاده ایتدی.
اروپا بیرلیگیدن 31 جنوریده اجره لیب چیققن انگلستان و تشکیلات تجارت بیلن بیر قطارده اوز ارا مناسبتلر بوییچه کینگ کولملی مذاکره آلیب بارماقده.
مذاکره لرده سوداگرلیک قاله ویرسه بلیقچیلیک، هواچیلیک، داری و خوفسیزلیک کبی تورلی موضوعلر قولگه آلینماقده.
کیلیشوو یوز بیرمه گن تقدیرده ایککی تامان اورته سیده گی سوداگرلیک مناسبتلر، جاری ییل نینگ 31 دسامبر تاریخیدن کیین دنیا تجارت گروهی قاعده لریگه کوره عملی قیلینه دی.
بو تاریخ گچه بولگن مدت دوامیده انگلستان اروپا بیرلیگی قاعده لرینی رعایت قیلیب دوام ایتیش گه مجبور.
علاقه لی ینگی لیکلر
چین ده بیر کیمه کوپریک که توقنه شیب کیتدی
بیر کارگو کیمه سی جیوجیانگ کوپریگی نینگ ایاغی گه توقنه شیب کیتگن لیگی بیلدیریلدی
مالزیاده تیک اوچر حادثه سی یوزبیردی
ایککی تیک اوچرنینگ بیر بیری بیلن توقنه شیب کیتگن لیگی بیلدیریلدی