ترامپ بیروتده گی پارتلش حادثه سی بوییچه مطبوعاتی کنفرانس اویوشتیردی

امریکا قوشمه ایالتلری دولت باشلیغی دونالد ترامپ، بیروت بندریده گی پارتلش نینگ هجوم بولیب بولمه گن لیگی بیلن تیگیشلی اوله راق هنوز هیچ کیم نینگ بیرنرسه بیلمه گنینی اورغولب؛

"بعضی بیرته لر بونی هجوم دیب اویله یدی، بعضی بیرته لر ایسه ایمس دیب اویله دی" دیب افاده ایتدی.

دونالد ترامپ، آق اویده اویوشتیرگن مطبوعاتی کنفرانسده توناون کونی بیروتده گی پارتلش حقیده ایتگن "بو قورقینچ هجوم" بیاناتی بوییچه معلومات بیردی.

پارتلش نی "قورقینچ" ایکن لیگینی اورغوله گن ترامپ؛

"(لبنانلیکلر) بونی نیمه بولگنینی بیلمه یدیلر، هیچ کیم بیلمه یدی. تیکشیروولر دوام ایتیب بارماقده. حادثه ده بعضی منفجر پارچه لری اطراف گه ساچیلیب کیتیپتی. بو بلکه بیر انفجار ایدی بلکه هجوم ایدی. شو وقت هیچ کیم نینگ بیرنرسه ایتیشینی تخمین ایتمه یمن. موضوع بوییچه تیکشیروو آلیب بارماقده میز. بعضی بیرته لر بونی هجوم دیب اویله یدی، بعضی بیرته لر ایسه ایمس دیب اویله دی" دیدی.