لبنان پایتختی بیروت ده پارتلش عاقبتیده اونلب کیشی جان بیردی

لبنان پایتختی بیروت ده یوز بیرگن انفجار حادثه سی عاقبتیده هلاک بولگن کیشی لر نینگ سانی 63 نفر گه ییتدی. 

بیروت بندری ده گی اوشبو انفجار آرتیدن یانغین یوز بیرگن.  پارتلش نینگ سیسی بیروت نینگ چیککه حدود لریده هم ایشیتیلگن. 

حادثه عاقبتیده 63 کیشی جان بیررایکن, 3 مینگ دن آرتیق کیشی ایسه یره لندی.  یره لنگن کیشی لرنینگ 2 نفری ایسه تورک وطنداش لری دن عبارت. 

ویران بولگن 3 قَوَتلی بیر بنا نینگ تگیده حاضر هم بعضی کیشی لرنینگ موجود ایکن لیگی بیلدیریلماقده. 

لبنان ده ملی عزا اعلان قیلینرایکن, مدافعه کینگشی هم پایتخت بیروت نی فلاکت منطقه سی اعلان قیلدی. 

اسم لری نینگ اعلان قیلینمس لیگی نی طلب قیلگن اسرائیل لیک مسئول لر, تل ابیب نینگ بیروت ده گی اوشبو حادثه بیلن هیچ قنده ی بیر ارتباطی نینگ موجود ایمس لیگی نی بیلدیردی.