ارمنستان بیلن روسیه مشترک هوا مدافعه تیزیمی سینشی اوتکزدی

ارمنستان مدافعه وزیرلیگی سوزچیسی شوشان ستاپانیان بیلدیردی

1460620
ارمنستان بیلن روسیه مشترک هوا مدافعه تیزیمی سینشی اوتکزدی

ارمنستان مدافعه وزیرلیگی سوزچیسی شوشان ستاپانیان، روسیه بیلن ارومنستان نینگ مشترک منطقوی هوا مدافعه تیزیمی سینشی اوتکزگنینی بیلدیردی.

ستاپانیان فیسبوک آرقه لی بیرگن بیاناتیده، بوگون ارمنستانده روسیه بیلن مشترک هوا مدافعه تیزیملری سینشی باشله تگن لیکلرینی معلوم قیلیب، سینش نینگ مقصدی نینگ "کشف و قوراللی انسانسیز هوا واسطه (سیها) لرگه قرشی کوره ش شکللرینی تیکشیریش" ایکن لیگینی قید ایتدی.

سینش جریانیده سیهالرگه قرشی ینگی کوره ش شکلی نینگ رواجلنتیره جگینی قید ایتگن ستاپانیان،

"سینش گه روس و ارمنی هوا مدافعه تیزیملری نینگ قومندانلری، روس و ارمنی آوچی حربی اوچاقلری و ارمنستان اردوسی نینگ هوا مدافعه تیزیمی نینگ برچه کوچلری قتنشماقده" دیب ایتدی.

بو سینش نینگ قچان اداغگه ییتیب باره جگی توغریسیده معلومات بیریلمه دی.



علاقه لی ینگی لیکلر