سربرنیتسا قیرغینی قربان لری توپراققه تاپشیریله دی

بوندن 25 ییل آلدین سربرنیتسا قیرغینی ده هلاک بولگن 9 نفر نینگ جسدی بوگون (11 جولای) بوسنیا- هرزگوینا نینگ پوتوچاری قبرستانی ده توپراققه تاپشیریله دی. 

جنازه مراسمی آلدی دن 25 ییل آلدین یوز بیرگن اوشبو قیرغین بیلن علاقه لی بیر مراسم بولیب اوته دی. 

مراسم ده تورکیه جمهوریتی جمهوررئیسی رجب طیب اردوغان نینگ تصویری پیامی هم نمایش ایتیله دی. 

شونده ی قیلیب سربرنیتسا قیرغینی ده هلاک بولیب اوشبو قبرستان گه دفن ایتیلگن قربان لر سانی 6652 گه ییتدی.

سربرنیتسا قیرغینی نیمه دیگنی؟

میلادی 1995- ییل 11 جولای ده سربرنیتسا نینگ صرب کوچ لری تامانیدن اشغال ایتیلیشی آرتیدن, بوسنیالیک عادی اهالی بیرلشگن ملت لر تشکیلاتی تینچلیک نی سقلش کوچی بولگن هالند کوچ لری گه باش پنه سوره ب باردی.

بیراق, هالند کوچ لری اولر نی صرب لر گه تاپشیردی.

صرب لر عیال لر و باله لرنینگ بوسنیالیک حربی لرنینگ قولیده بولگن منطقه لر گه کیتیش لری گه اجازت بیردی.  لیکن 8 مینگ دن آرتیق بوسنیالیک ایرکک نی قیرغین قیلدی. 

قربان لر عاموی قبر لر گه دفن ایتیلدی.  هر ییل اوشبو قبر لر دن جسد لر چیقریلیب ژنیتیک تستی عملگه آشیریلیب کیملیگی انیقلنگن قربان لر باشقه قبر لر گه دفن ایتیلماقده.