آق اوی سوزچیسی: روسیه بیلن طالبان موضوعی حلی گچه استخبارات تامانیدن تایید ایتیلمه گن

اوشبو بیانات آق اوی سوزچیسی تامانیدن بیریلدی

1447646
آق اوی سوزچیسی: روسیه بیلن طالبان موضوعی حلی گچه استخبارات تامانیدن تایید ایتیلمه گن

امریکا قوشمه ایالتلریده آق اوی سوزچیسی کئیلی میک نئینی روسیه نینگ طالباندن بعضی بیر جنگریلرگه افغانستانده جایلشگن امریکا قوشمه ایالتلری نینگ عسکرلرینی اولدیریشی اوچون پول تکلیف ایتگن لیگی بیلن تیگیشلی ادعاسی نینگ استخبارات اداره لری تامانیدن حلی گچه تایید ایتیلمه گن لیگینی بیلدیردی.

میک نئینی اویوشتیرگن مطبوعاتی کنفرانسده، CIA باشلیغی جینا هاسپل و ملی خوفسیزلیک مصلحتچیسی روبرت اوبرایئن نینگ ایرته گه کنگره ییتکچیلری بیلن آق اویده اوچره شه جگینی و روسیه موضوعی بوییچه معلومات بیره جگینی قید ایتدی.

نیویورک تایمز روزنامه سی، امریکالیک استخبارات مقاملرینی و معلوماتلریگه تیانتیریب بیرگن خبرلریده اروپاده سوئ قصد تروری تشبثلری بیلن علاقه سی بولمیش روسیه استخبارات سرویسی نینگ روسیه نینگ طالباندن بعضی بیر جنگریلرگه افغانستانده جایلشگن امریکا قوشمه ایالتلری نینگ عسکرلرینی اولدیریشی اوچون پول تکلیف ایتگن لیگینی ادعا ایتگندی.

امریکالیک رسمیلر اوشبو معلومات نینگ قولگه آلینگن طالبان منسوبی جنگریلرنینگ تحقیقلریدن قولگه کیریتگن لیکلرینی خبر بیرگندی. 

خوددی شو استخباراتی راپورنینگ امریکا قوشمه ایالتلری دولت باشلیغی دانلد ترامپ  و ملی خوفسیزلیک کینگشی گه مارچ آییده بیریلگن لیگی بیلدیریلدی. خبرده امریکا رسمیلری نینگ دیپلوماتیک نوت آرقه لی مسکوگه تقدیم ایتیلگن لیگی و بیر قطار چیکلاولرنینگ مطرح بولگن لیگی قید ایتیلگندی.



علاقه لی ینگی لیکلر