کاناداده بیرینچی مرته مسجدلرده آذان ایتیلیشی گه رخصت بیریلدی

رمضان آیی مناسبتی بیلن رخصت بیریلگن لیگی بیلدیریلدی

1409315
کاناداده بیرینچی مرته مسجدلرده آذان ایتیلیشی گه رخصت بیریلدی

توناون کونی مسجد و جامع مسجدلرده بیرینچی مرته رمضان آیی مناسبتی بیلن آذان بیریلیشی گه رخصت بیریلدی.

رمضان آیی نینگ باشیدن بیری مسلمان جمعیتلر تامانیدن تکلیف قیلینگن و تورونتو، ایدمونتو، اوتتواوا و همیلتون کبی شهرلرنینگ بلدیه لری توش، نماز دیگر و شام وقتی رمضان آیی دوامیده لادسپیکردن آذان ایتیلیشی گه رخصت بیریلدی.

همیلتونده گی مونتائین مسجدی ملا امام خطیبی سید توره، تشقریده بیریلگن آذان نینگ آرتیدن محدود بیر جمعیت بیلن قیلینگن جمعه نمازیدن کیین بیرگن بیاناتیده؛

"بو کاناداده گی مسلمان همجمعیتلری اوچون تاریخی بیر حادثه دیر. آذان انسانلرنی عبادت اوچون چقیرگن الهی بیر دعوت دیر. بو چقیریغنی همه نینگ ایشیتیشی جوده مهم. بیرینچی مرته قوشنی لریمیز ایشته دیگن شکلده آذان بیریلماقده. آذان نی وقتینچه لیک رمضان آیی مناسبتی بیلن ایتیلیشی گه رخصت بیریلدی. بیراق رمضان آییدن کیین هم دوام ایتیشی اوچون اورونیشلریمیزنی دوام ایتتیره میز" دیب گپیردی.

توره، ایریم شهرلرده گی مسجد ملا اماملری نینگ هم بلدیه لرگه مراجعه قیلیشلری حالیده خوددی شو شکلده رخصت آلیشلری نینگ ممکن ایکن لیگینی افاده ایتدی.



علاقه لی ینگی لیکلر