جهان بویلب آلتمیش تورت مینگ کیشی کرونا ویروس سببلی حیاتی نی یوقاتدی

ایتالیا ده, کووید 19 سببلی حیاتی نی یوقاتگن کیشی لر نینگ سانی سونگگی 24 ساعت ده 681 گه آشیب 15 مینگ 362 نفر گه ییتدی. 

اوشبو اولگن کیشی لرنینگ 80  نفری ایسه داکتر لر دن عبارت. عینی دمده خوددی شوو اولکه ده کرونا ویروس نی یوقتیریب آلگن کیشی لرنینگ سانی 88 مینگ 274 نفر گه ییتدی. 

فرانسه ده اوشبو کسللیک سببلی 7 مینگ 560 کیشی حیاتی نی یوقاتدی.  واقعه سانی ایسه تقریباً 70000 گه کوتریلیب کیتدی. 

حیاتی نی یوقاتگن کیشی لر سانی تقریباً 12000 دن عبارت بولگن اسپانیا ده کرونا ویروس گه قرشی کوره ش دایره سیده 14 مارچ دن بیری اوشبو اولکه ده دوام ایتیاتگن فوق العاده حالت نینگ ینه بیر مرته تمدید ایتیلیشی اوچون تیارگرلیک اوتکزیلماقده. 

امریکا قوشمه ایالتلری ده 7 مینگ دن آرتیق کیشی حیاتی نی یوقاترایکن, نیویورک ایالتی ده وضعیت نینگ کونساین یمان له شیب باریاتگن لیگی کورینماقده. 

چین, سونگگی 24 ساعت ده 630 کیشی نینگ حیاتی نی یوقاتگن اوشبو ایالت گه بیر مینگ مصنوعی تنفس ماشینی یاردم بیردی.