اوروپا ده کرونا ویروس سببلی مینگلب کیشی حیاتی نی یوقاتدی

حیاتی نی یوقاتگن کیشی لرنینگ سانی کونساین آرتیب بارماقده

اوروپا ده کرونا ویروس سببلی مینگلب کیشی حیاتی نی یوقاتدی

مونته نگرو ده هم پیدا بولیشی بیلن بیرگه کرونا ویروس اوروپا نینگ برچه اولکه لریده انیقلنگن بولدی. 

ینگی تور کرونا ویروس (Covid-19) دن اینگ کوپ تاثیرلنگن اولکه دن عبارت ایتالیا ده حیاتی نی یوقاتگن کیشی لرنینگ سانی 2 مینگ 503 نفر گه کوتریلیب کیتدی. 

اسپانیا ده 500 کیشی حیاتی نی یوقاترایکن, واقعه سانی ایسه 11 مینگ دن هم آشدی.   

حیاتی نی یوقاتگن کیشی لر 175 نفر دن عبارت بولگن فرانسه ده, مجبور بولمس لیگی تقدیرده, انسان لرنینگ کوچه گه چیقمس لیگی بیلن علاقه لی قرار تطبیق ایتیله باشلندی. 

23 کیشی نینگ وفات ایتگن آلمان ده, اسرائیل نینگ برلین ایلچیسی بیلن سفارت نینگ ینه بیر پرسونلی گه اوشبو ویروس نینگ یوققن لیگی معلوم قیلیندی. 

اوچ کیشی نینگ اولگن و تقریباً بیر مینگ واقعه نینگ موجود بولگن اطریش ده, ایندی 6 کیشی نینگ ییغیلیب بیر آره ده اوتیریشی ممکن ایمس.  باش وزیر سیباستیان کورز, انسان لرنینگ فقط گینه ضروری ایش, غذایی مواد آلیش و باشقه لر گه یاردم بیریش اوچون کوچه گه چیقیشی نینگ ممکن ایکن لیگی نی بیلدیردی. 

بلجیم نینگ بروکسل هوا یوللری شرکتی, کرونا ویروس سببلی 20 اپریل گه قدر برچه پرواز لری نی توخته تیب قویدی. 

اوروپا بیرلیگی رهبر لری, اوچینچی اولکه تبعه لری نینگ اوروپا بیرلیگی اعضاسی اولکه لر و شنگن منطقه سی گه قیله دیگن "کیره کلی بولمه گن" سفری لری نی 30 کون لیک بیر مدت بیلن توخته تیب قویش گه قرار قیلدی. 

کرونا ویروس باعث 5 کیشی نینگ حیاتی نی یوقاتگن یونان ده, واقعه سانی 387 گه کوتریلیب کیتدی. 

بلغاریا ده کرونا ویروس 81 نفرگه یوقرایکن, 2 کیشی ایسه اوشبو ویروس سببلی حیاتی نی یوقاتدی. 

شمالی مقدونیه ده 12 اپریل ده بولیب اوتیشی ریجه لنگن وقتی دن آلدین سیلاو, کرونا ویروس تدبیر لری دایره سیده معطل قیلیندی.  واقعه سانی 26 دن عبارت بولگن اوشبو اولکه ده حکومت, آلدین چیگره لرنینگ یاپیلمیدیگن لیگی نی بیلدیررایکن, ایندی ایسه چیگره لرنینگ فقط گینه ترانزیت یوک تشیووچی لر, دیپلمات لر و ایچکی ایش لر وزیرلیگی دن اجازتی بولگن کیشی لر اوچون آچیق بوله دیگن لیگی نی معلوم قیلدی. 

بوسنیا – هرزگوینا اسلام بیرلیگی مفتی لر کینگشی هم توناون فوق العاده بیر ییغیلیش اوتکزیب, کرونا ویروس سببلی مسجد لر ده جماعت بیلن نماز اوقیلیشی نینگ توخته تیلیشی گه قرار قیلدی. 

امریکا قوشم ایالتلری ده 97 کیشی حیاتی نی یوقاتدی.  دولت رهبری دونالد ترامپ, انسان لرنینگ اوی دن ایشلش لری نی طلب ایترایکن, بونگه امکان بولمس لیگی تقدیرده, همه نی اوزی لری نی ویروس دن قوریش گه حرکت قیلیش گه چقیردی. 

جنوبی امریکا اولکه سیدن عبارت برازیل ده 62 یاشلی بیر کسل حیاتی نی یوقاتدی.  اوشبو اولکه ده کرونا ویروس یوققن کیشی لر سانی نینگ 301 نفر گه کوتریلیب کیتگن لیگی بیلدیریلدی. 



علاقه لی ینگی لیکلر