چین ده کرونا ویروس سببلی 2 مینگ 5 کیشی حیاتی نی یوقاتدی

چین ده کرونا ویروس (Covid-19) سببلی حیاتی نی یوقاتگن کیشی لر سانی 2 مینگ 5 نفر گه کوتریلیب کیتدی. 

چین ملی ساغلیق کمیسیونی تامانیدن بیریلگن معلومات گه کوره, اولکه ده 74 مینگ 185 کیشی نینگ اوشبو کسللیککه یولیققن لیگی و خوددی شوو کیشی لر دن 11 مینگ 977 نفری نینگ ساغلیق وضعیتی نینگ یمان ایکن لیگی بیلدیریلدی. 

چین دولت تلویزیونی, ووهان کسلخانه سی باش طبیبی داکتر لیو زیمینگ نینگ اوشبو ویروس سببلی حیاتی نی یوقاتگن لیگی نی بیلدیردی. 

جاری آیده بیر کسلخانه نینگ سابق باشلیغی خو دیپو و اوشبو ویروس نی تاپگن داکتر لی وینلیانگ هم خوددی شوو ویروس سببلی حیاتی نی یوقاتگن ایدی. 

عینی دمده بیرلشگن ملت لر تشکیلاتی عمومی سکرتری انتونیو گوترش, اوشبو ویروس نینگ حاضرچه کنترول آستیده ایکن لیگی نی بیلدیررایکن, بیراق, خوددی شوو ویروس نینگ افریقا قطعه سیده اورین آلگن اولکه لر کبی ساغلیق سیستمی یخشی بولمه گن جغرافیه گه ییتیب باریشی بوییچه خواطرده ایکن لیک لری نی معلوم قیلدی.