ادلب تراژدی سی

تشقی سیاست بوییچه محقق جان آجون نینگ اوزبیک تیلی گه اورگیریلگن مقاله سی

ادلب تراژدی سی

بشار الاسد رژیمی, روسیه و ایران نینگ حمایه سی بیلن اوزاق مدت دن بیری ادلب گه هجوم اویوشتیرماقده.  فقط گینه سونگگی ایککی آی نینگ اوزیده 200 مینگ دن آرتیق کیشی اوز اوی لری نی ترک ایتیب کیتیش گه مجبور بولیب قالرایکن, مینگلب کیشی ایسه جان بیردی یاکه یره لندی.  رژیم و متفق لری فقط گینه حربی مرکز لر ایمس بلکه بیواسطه مسکونی نقطه لرنی هم هدف قیلیب آلرایکن, انسان لر نی هیده ب منطقه نی قولگه کیریتیش گه حرکت قیلماقده.  سوریه لیک مخالف لر جهتی دن سونگگی مرکز دن عبارت بولگن ادلب ده اوز اوی لری نی ترک ایتیب یمان شرایط ده کون کیچیریاتگن تقریباً تورت میلیون انسان یشرایکن, تورکیه ایسه اوشبو جغرافیه ده گی بشری بحران گه مانع بولیش اوچون قولیدن کیلگن برچه سعی و حرکت لرنی قیلماقده. 

میلادی 2018- ییل سپتامبر آیی ده امضالنگن سوچی کیلیشووی گه قره مسدن رژیم ایریم پیت لرده ادلب گه حمله قیلرایکن, کیین ایسه روس لرنینگ هوایی هجوم لری نینگ باشلَشی بیلن بیرگه ادلب ینه اوروش نینگ مرکزی گه ایله نیب قالدی.  رژیم 2019 – ییل اپریل آیی ده باشلتگن هجوم لری آرتیدن حماه نینگ شمالی تامان آلغه کیترایکن, اوشبو وضعیت نینگ اوزی مورَک ده گی تورکیه جمهوریتی قوراللی کوچ لری مرکزی نینگ قمراو آستیده قالیشی و خان شیخون منطقه سی نینگ مخالف لرنینگ کنترولی دن چیقیب کیتیشی گه سبب بولدی. 

اوشبو واقعه لر آرتیدن وقفه ای بیر شکلده دوام ایتگن هجوم لر و روسیه نینگ هوایی حمله لری نتیجه سیده یوزلب نفر عادی اهالی اوز اوی لری نی ترک ایتیب کیتیش گه مجبور بولیب قالدی.  ادلب ده اوز اوی لری نی ترک ایتیب کیتگن کیشی لر سانی نینگ تقریباً 1,6 میلیون نفر دن عبارت ایکن لیگی معلوم قیلینماقده.  عینی دمده 322 میلیون دالرلیک مادی ضرر نینگ بحث موضوعی ایکن لیگی بیلدیریلماقده.  سونگگی پیتلرده اویوشتیریلگن هجوم لر عاقبتیده ایسه تورکیه جمهوریتی قوراللی کوچ لری نینگ صُرمان ده گی کوزه توو مرکزی رژیم کوچ لری تامانیدن قمراو آستی گه آلینگن وضعیتده. 

میلادی 2019- ییل دسامبر آیی دن بیری اویوشتیریلگن هجوم لر نتیجه سیده تقریباً 400 مینگ نفر عادی اهالی نینگ تورکیه چیگره سی گه کیلگن لیگی بیلدیریلماقده.  رژیم ادلب نینگ جنوبشرقی و حلب نینگ غربی گه قره ته اویوشتیرگن هجوم لری نتیجه سیده معره النعمان شهری نی قول گه کیریتدی.  شونده ی قیلیب رژیم اوشبو هجوم لری بیلن ادلب نی ییر دن اوره آلیش کوچی گه ایگه بولیش گه حرکت ایتماقده. 

عینی دمده روسیه, ایران و رژیم نینگ ادلب گه قره تیلگن هجوم لری بوییچه اساسی هدف لری منطقه اهالی سی نی اوز اوی لری نی ترک ایتیش گه مجبور قیلیب سوریه ده باشقریلیشی ممکن بولگن بیر نفوس گه اساس سالیش دن عبارت.  شوباعث عادی اهالی مهاجر بولیش یاکه اولیم گه مجبور ایتیلماقده.  ادلب نینگ مخالف خلق و قوراللی گروپ لرنینگ موجود ایکن لیگی سببلی رژیم نینگ هدفی گه ایله نیب قالگن لیگی نی ایسله تیب اوتیشی میز ممکن.  تورکیه ایسه 12 کوزه توو مرکزی بیلن رژیم و متفق لری مقابلیده ادلب ده گی بشری بحران گه مانع بوله آلمه سه هم, هیچ بولمه سه اوشبو بحران نی کمیتیریش گه حرکت ایتماقده.  تورکیه بیر تاماندن روسیه آرقه لی سیاسی و دیپلماتیک نفوذی دن فایده له نرایکن, باشقه بیر تاماندن ایسه خلق ارا جامعه نینگ دقتی نی ادلب مسئله سی گه قره تیش گه انتیلماقده.  بیراق, افسوس که خلق ارا جامعه نینگ ادلب ده گی میلیونلب عادی اهالی نینگ قیین چیلیک لری گه اهمیت بیرمیاتگن لیگی کورینماقده. 



علاقه لی ینگی لیکلر