روسیه تشقی ایشلر وزیرلیگی حفترنینگ آتشکیسین کیلیشوو متنینی قبول قیلمه ی قول قویمه گن لیگینی بیلدیردی

توناون کونی تورکیه و روسیه تامانیدن بو کیلیشوو متنی تیارلنگن ایدی.

روسیه تشقی ایشلر وزیرلیگی حفترنینگ آتشکیسین کیلیشوو متنینی قبول قیلمه ی قول قویمه گن لیگینی بیلدیردی

روسیه تشقی ایشلر وزیرلیگی، لیبیانینگ شرق تامانینی اوز کنترولی آستیگه آلیب تورگن خلیفه حفترنینگ توناون کونی کیلیشیب آلینگن آتشکیسین متنی گه قول قویمه ی پایتخت مسکونی ترک ایتیب کیتگنینی بیلدیردی.

وزیرلیک لیبیاده تامانلر اورته سیده کیلیشوونینگ عملی بولیشی اوچون اورونیشلرنینگ دوام ایتیب تورگن لیگینی بیان ایتدی.

روس خبر آژانسی TASS روسیه تشقی ایشلر وزیرلیگی منبعلریگه تیانتیریب بیرگن خبریده، لیبیانینگ شرق تامانینی اوز کنترولی آستیگه آلیب تورگن خلیفه حفترنینگ کیلیشیب آلینگن آتشکیسین متنی گه قول قویمه ی پایتخت مسکونی ترک ایتیب کیتگنینی بیلدیردی.

تورکیه تشقی ایشلر وزیری مولود چاووش اوغلی بیلن ملی مدافعه وزیری خلوصی آقر توناون کونی روس کسبداشلری بیلن مسکوده بیر جلسه اویوشتیریب لیبیاده نامعلوم وقت گچه آتشکیسین متنی بوییچه کیلیشیب آلگندی.

جلسه نینگ آرتیدن بیریلگن بیاناتده، لیبیا ملی کیلیشوو حکومتی باشلیغی فائز السراج تامانی نینگ بو کیلیشوونی قبول قیلیب قول قویگن لیگی؛ بیراق حفتر تامانی نینگ ایسه کیلیشوو متنینی تیکشیریب چیقیش اوچون بوگون ایته گچه مهلت تیله گن لیگی ایتیلگندی.

روسیه تشقی ایشلر وزیری سرگی لاوروف، حفتر تامانی نینگ هم بو کیلیشوو متنی گه مثبت یانداشگنینی معلوم قیلگندی.       



علاقه لی ینگی لیکلر