دانلد ترامپ افغانستانگه کوتیلمه گن بیر سفر اویوشتیریب باردی

امریکا قوشمه ایالتلری دولت باشلیغی دانلد ترامپ، "شکران کونی" مناسبتی بیلن افغانستانده گی امریکا قوشمه ایالتلری عسکرلرینی کوتیلمه گن سفر آرقه لی باریب کوردی.

ترامپ، بوگون افغانستانده گی اینگ بویوک حربی قونلغه بولمیش بگرام قونلغه سیگه باریب قوندی.

امریکا قوشمه ایالتلریده نشانلنگن "شکران کونی" مناسبتی بیلن افغانستانده گی امریکا قوشمه ایالتلری عسکرلرینی کوتیلمه گن سفر آرقه لی باریب کورگن دولت باشلیغی دانلد ترامپ،  اولرگه فیل تاووق اکرام قیلیب بیردی.

ترامپ بو سفری چاغیده افغانستان جمهور باشلیغی اشرف غنی بیلن یوزمه یوز اوچره شوو اوتکزدی.

دانلد ترامپ، اشرف غنی بیلن عسکرلرگه خطاب قیلیب گپیردی.

ترامپ دولت باشلیغی ایتیب سیلنگندن بیری امریکا قوشمه ایالتلری قوشینینی قیته دن قوریش اوچون تریلیونلب دالر خرجت قیلگن لیگینی بیلدیردی.

طالبان بیلن بولیب اوتگن تینچلیک اوچره شوولریگه هم تماس قیلگن ترامپ، "طالبان بیر کیلیشووگه قول قویماقچی. بونی کوره میز. قیلمسه لر هم بیز اوچون پرابلم یوق" دیب گپیردی.

افغانستانده بیر امریکالیک عسکرنینگ اولدیریلیشی باعث طالبان بیلن تینچلیک اوچره شوولرینی توخته تیب قویگن لیکلرینی ایسله تیب اوتگن ترامپ،

"طالبان بیلن کیلیشگونچه گه قدر ویا یوتوق قولگه کیریتگونچه گه قدر افغانستانده قاله میز. طالبان کیلیشماقچی و بیز هم اولر بیلن اوچره شماقده میز. سونگی 6 آی دوامیده انچه یول باردیک و عیندمده عسکرلریمیزنی هم چیقرماقده میز. بو جایده گی عسکرلریمیزنینگ سانینی 8 مینگ 600 کیشی گه توشیرماقچی میز" دیب گپیردی.

غنی هم اوز صحبتیده ترامپ گه قره ب "سیزگه رهبریتینگیز و قرارلیگینگیز اوچون منتدارچیلیک بیلدیره من" دیدی.

امریکا قوشمه ایالتلری دولت باشلیغی، نطقی نینگ ارتیدن عسکرلر بیلن خاطره تصویری گه توشدی.

قریب 2،5 ساعت دوام ایتگن بو سفری نینگ آرتیدن کیچه لب افغانستاندن جونب کیتدی.