قیرغزستان سابق جمهور باشلیغی خوفسیزلیک کوچلری تامانیدن قولگه آلیندی

قیرغزستانده خوفسیزلیک کوچلری تامانیدن اویوشتیریلگن ایککینچی عملیات آرقه لی سابق جمهور باشلیغی آلمزبیک آتمبایف قولگه آلیندی.

خوفسیزلیک کوچلری بوگون توش وقتی آتمبایف نی قولگه آلیش اوچون پایتخت بیشکیک نینگ جنوبیده جایلشگن چوی منطقه سیده گی اوییگه بارگن.  

اجتماعی ترماق آرقه لی نشر بولگن خبرلرده آتمبایف نینگ اویی نینگ تیگره گیده خاتین – قیزلر داخل یوزلب کیشی خوفسیزلیک کوچلری بیلن اوروشگن لیگی کوریلماقده.

برچه اعتراض و مقاومت گه قره مه ی آتمبایف نینگ قولگه آلینگن لیگی بیلدیریلدی.

باشقه تاماندن قیرغزستان جمهور باشلیغی سورونبای جیینبیکوف، مجلس باشلیغی داستانبیک جمعه بیکوف نینگ باشچیلیگده ییغیلگن مجلسده صحبت عملگه آشیردی.

جمهور باشلیغی جیینبیکوف، آتمبایف بیلن شخصی مسئله سی بولگن لیگی بیلن تیگیشلی خبرلر بیلن علاقه لی اوله راق گپیردی.

"بو ایککی کیشی نینگ مسئله سی ایمس دیر. بو شخصی منفعتلرینی دولت نینگ منفعتلریدن اوستون توتگن شخصی بیر اراده بیلن حقوق مجادله سی دیر" دیدی.

آتمبایف بیلن حمایه چیلری نینگ خوفسیزلیک کوچلری گه قرشی مقاومتی عاقبتیده بیر کیشی خوفسیزلیک اعضاسی اولیب منطقه امنیه آمری باشیدن جراحت آلیب کوماگه توشگن ایدی.

ملی خوفسیزلیک دولت کمیته سی گروهی مافیا باشچیسی عزیز باتوکایف نی 2013 ییلی ناقانونی اوله راق آزاد ایتیلیشی بیلن تیگیشلی تحقیقات دایره سیده آتمبایف نی تحقیق قیلیش اوچون توناون آقشم کیچقرون اوییگه عملیات اویوشتیرگن ایدی.

آتمبایف 2017 – 2011 ییللری مملکتنی باشقرگن ایدی.