تورکیه، ایتالیا پارلمانیده قبول قیلینگن قانون لایحه سینی قتتیق قاره له دی

ایتالیا پارلمانی تامانیدن 1915 – ییلی حادثه لری بیلن تیگیشلی قانون لایحه سی قبول قیلیندی

تورکیه، ایتالیا پارلمانیده قبول قیلینگن قانون لایحه سینی قتتیق قاره له دی

تورکیه، ایتالیا پارلمانی تامانیدن 1915 – ییلی حادثه لری بیلن تیگیشلی "اوزیچه ارمنی نسل قیرغینی" ادعالرینی اوز ایچی گه آلگن بیر قانون لایحه سینی قبول ایتیشینی محکوم ایتدی.

تشقی ایشلر وزیرلیگیدن بیریلگن بیاناتده،

"ایتالیا نماینده لر مجلسی تامانیدن 2019 – ییلی 10 اپریل کونیده گی قانون لایحه سی ارمنی ادعالرینی ایچکی سیاسی منفعتلری اوچون بیر واسطه اوله راق استفاده قیلگن لیکلرینی کورستماقده دیر. بو قانون لایحه سینی قتتیق قاره له یمیز" دیب ایتیلگن.

قانون لایحه سینی ایتالیا – تورکیه مناسبتینی برهم اورماچی بولگن ماتیئو سالوی نینگ باشچیلیگیده گی لیگا حزبی تامانیدن تیارلنگن لیگی قیزیق ایمس دیر.

درحقیقت قیزیق و قیغو بیرووچی بولگن شو دیرکی مذکور مجلس نینگ لیگا حزبی نینگ اروپا پارلمانی سیلاویده اورنینی کوچلی قیلیش اوچون تیارله گن اویین گه الده نیشی دیر. اساسن ارمنی ادعالری دواملی سیلاولر آلدی ویا تورکیه مخالفت لیگی معناسیده مطرح قیلینماقده دیر. انه شو حادثه بو ادعالرنینگ سیاسی شکلینی تاریخی حقیقتلر بیلن ماس ایمس ایکن لیگینی کورستماقده دیر. بولر هیچ بیر تامانگه فایده کیلتیرمه گن حالده کیلگوسی جریانده یخشی نیتلرگه توسیق بولیب بارماقده دیر" دیب ایتیلگن.

مذکور بیاناتده، بو قرارلرنینگ تورکیه بیلن ایتالیا اورته سیده گی تجاری مناسبتگه تورلی شکلده تاثیر قالدیره جگی تاکییدله نیب، "تاریخنی سیاسی لشتیرگن برچه فعالیتلر کبی بو قانون لایحه سی نینگ هم تورکیه تامانیده هیچ بیر حکمی یوق دیر" دیب اورغولنگن.

تشقی ایشلر وزیری مولود چاووش اوغلی هم اوز تویتر آدرسی آرقه لی پایلشگن پیامیده " تاریخنی سیاسی لشتیرگن برچه فعالیتلر کبی بو قانون لایحه سی هم یوق کبی دیر. ایتالیا مجلسی تامانیدن خارجی دشمنی لیگا حزبی نینگ اروپا بیرلیگی سیلاولریده گی رایینی کوپه یتیریش اوچون تیارله گن اویین گه الده نگنی قبول قیلینمه یدی" دیب یازگن.

ایتالیاده گی ائتلاف حکومتیدن "سوزده ارمنی نسل قیرغینینی رسماً قبول قیلیب تنیشی و بوندن خلق ارا مقیاسیده مدافعه قیلیشینی" خواهله گن قانون لایحه سی بو مملکت نینگ پارلمانیده 382  رای بیلن قبول قیلینگن ایدی.



علاقه لی ینگی لیکلر