نیوزیلند دولت تلویزیونی آرقه لی اذان اَیتیلدی
نیوزیلند ده ایککی مسجد گه قره ته اویوشتیریلگن هجوم عاقبتیده 50 کیشی جان بیرگن ایدی
بیر هفته آلدین نیوزیلندده, کرایست چرچ شهریده ایککی مسجد گه قره ته قوراللی هجوم اویوشتیریلیشی عاقبتیده 50 کیشی جان بیررایکن, 50 نفر ایسه یره لندی.
بوگون اوشبو اولکه ده مسلمان لرنینگ قوللب قُوَتله نیشی اوچون نیوزیلند دولت رادیو و تلویزیونی آرقه لی جانلی روشده اذان اَیتیلدی.
حادثه قربان لری نینگ ایسله نیشی اوچون نیوزیلند ده مراسم لر بولیب اوتدی. اوشبو مراسم لر دولت رادیو و تلویزیون لری تامانیدن نشر قیلیندی.
نیوزیلند باش وزیری جسیندا آردرن, کرایست چرچ ده گی هاگلی پارکده اوقیلگن جمعه نمازی آلدی دن بولیب اوتگن مراسم گه اشتراک ایتدی.
نماز آلدی دن قیلگن قیسقه صحبتیده باش وزیر آردرن, "حضرت محمد متقابل شفقت, مرحمت و محبت بیلن عقیده سی بولگن کیشی لر بیر بدن نینگ عضولری کبی دیر لر. بدن نینگ هر قنده ی بیر عضوی آغریگنده, اوشبو درد نی بدن نینگ برچه قسم لری حس قیله دی دیگن لر. نیوزیلند سیزنینگ یانینگیزده. غم لرینگیز گه شریک میز" دییه قید ایتدی.
نیوزیلند ده بولیب اوتگن مراسم لرده, باش وزیر آردرن نینگ طلبی گه بناً, کوپلب نیوزیلند لیک عیال مسلمان لر نی قوللب- قوتلش اوچون حجاب قیلیشدیلر.
علاقه لی ینگی لیکلر
مصر تشقی ایشلر وزیری تورکیه گه تشریف بویوره دی
استانبولده تورکیه و مصر تشقی ایشلر وزیرلری اورته سیده اوچره شوو بولیب اوته دی
