امریکا قوشمه ایالتلریده اسلامی حجابی بولگن بیر عیال گه حمله قیلیندی

امریکا قوشمه ایالت لری نینگ نیویورک شهریده اسلامی حجابی بولگن بیر عیال, کوچه  ده بیر ایرکک نینگ هجومی گه دوچ کیلیب قالدی.

نیویورک نینگ بروکلین منطقه سیده یشیاتگن عنبر نثار اسمی گه ایگه عیال, پولیس مسئول لری بیلن ترتیب له گن مشترک مطبوعاتی کنفرانسی جریانیده بیرگن بیاناتلریده, شنبه کونی کوچه دن اوتیاتگن پیتده بیر ایرکک نینگ اونی اوریب توشیریش گه حرکت قیلگن لیگی نی معلوم قیلدی.  اوشبو عیال کیشی, خوددی شوو ایرکک نینگ اونی اوریب توشیره آلمس لیگی آرتیدن اونی تیپگن لیگی نی بیلدیردی.

عیال, "نفرت جرمی دن باشقه بیر نرسه ایمس. کییمیم و حجابیم اوچون مینگه حمله قیلدی" دییه قید ایتدی. 

نیویورک پولیسی اوشبو حادثه نینگ تیکشیریلیاتگن لیگی نی بیلدیردی. 

نیویورک شهرداری بیل دی بالاسیو, خوددی شوو خبرنی تویتر آرقه لی ترقَتَرایکن, حادثه گه قتتیق عکس العمل کورستدی. 

"اوشبو حادثه فقط گینه مسلمان لر گه ایمس, بلکه برچه نیویورک لیک لر گه قره ته اویوشتیریلگن جیرکنچ بیر هجوم دن عبارت" دییه قید ایتگن بلاسیو, بونده ی واقعه لرنینگ کورینیشی تقدیرده زودلیک بیلن پولیس مسئول لری گه خبر بیریلیشی نی طلب قیلدی.