طالبان رهبر لری نینگ خلق ارا قاره لست دن چیقریلیشی کیره ک

افغانستانلیک سیاستچی لر بیلن طالبان گروهی نماینده لری اورته سیده روسیه پایتختی مسکوده بولیب اوتگن ییغیلیش اداغیده بیر بیلدیرو ترقه تیلدی. 

اوشبو بیلدیروده طالبان رهبر لری نینگ خلق ارا قاره لست دن چیقریلیشی کیره ک ایکن لیگی بیلدیریلدی. 

افغانستان ده قالووچی بیر تینچ لیک نینگ اورنه تیلیشی اوچون تامان لرنینگ بیر یقه دن چیقریش گه چقیریلگن اوشبو بیلدیروده, افغانستان لیک لر اورته سیده گی مشوره لر نینگ دوام ایتیشی, امریکا قوشمه ایالتلری بیلن طالبان آره سیده گی مذاکر لرنینگ قوللب- قوتله نیشی و باشقه اولکه لرنینگ افغانستان نینگ ایچکی ایشلری گه اره لشمس لیگی کیره ک ایکن لیگی خصوصیده کیلیشیلیب آلینگن لیگی معلوم قیلیندی. 

بیلدیروده, "ییغیلیش اشتراکچی لری افغانستان ده تینچ لیک مذاکره لری بوییچه موفقیت قولگه کیریتیلیشی اوچون طالبان رهبر لری نینگ بیرلشگن ملت لر تشکیلاتی قاره لستیدن چیقریلیشی و طالبان نینگ قطرده رسمی بیر سیاسی دفتر آچیشی کیره ک ایکن لیگی نی اویله ماقده" دییه قید ایتیلدی.

اوشبو ییغیلیش گه اشتراک قیلگن سابق افغانستان امنیت شوراسی مشاوری و جمهوررئیسلیک کاندیدی حنیف اتمر, خوددی شوو ییغیلیش گه افغانستان حکومتی نینگ هم اشتراک قیلیشی کیره ک ایکن لیگی نی معلوم قیلدی. 

طالبان هیئتی نینگ نماینده سی شیر محمد عباس استانکزی ایسه امریکا قوشمه ایالتلری حربی لری نینگ افغانستان دن قچان چیقه دیگن لیگی نینگ انیقلنمه گن لیگی نی معلوم قیلرایکن, "خوددی شوو خصوصده حاضرچه هر قنده ی بیر کیلیشوو تامین ایتیلمه گن. اوشبو خصوصده بحث قیلیش نینگ وقتی ایمس.  امریکا لیک حربی لرنینگ تیزلیکده افغانستان دن چیقیشی اوچون سعی و حرکت قیله میز" دییه قید ایتدی. 

مسکوده گی اوشبو ییغیلیش نینگ بیر قسمی ایرته گه هم دوام ایته دی.  افغانستان نینگ ایریم سیاستچی لری نینگ و طالبان گروهی نماینده لری نینگ اشتراکی بیلن بولگن اوشبو ییغیلیش گه افغانستان حکومتی نماینده لری قتنشمه دی.