ایتالیا کوچلری افغانستاننی ترک ایتیب چیقه دی

ایتالیاده مدافعه وزیری ایلیزابت ترانتانینگ امری بیلن افغانستانده وظیفه اجرا قیلیب تورگن عسکرلرنینگ 12 آی جریانیده مملکتنی ترک ایتیب چیقیشی بیلن تیگیشلی پلان ریجه لش اوچون فعالیت باشله تیلدی.

ایتالیا مطبوعاتیده، مدافعه وزیرلیگی منبع لریگه تیانتیریب بیرگن خبرلرده، مدافعه وزیری ترانتانینگ قوراللی کوچلرگه باغلیغ خلق ارا کوچلر ییغینی عملیات قومندان لیگی (Coi) گه بیرگن امرده "ایتالیالیک عسکرلرنینگ افغانستاندن چیقیشی اوچون بیر پلان ریجه له یشینی خواهله گن لیگی اورین آلماقده.

مذکور خبرلرده مدافعه وزیری ترانتا هم اعضا بولگن عین دمده حکومت شریکلریدن 5 یولدوز حرکتی (M5S) حزبیدن 5 کیشی ملت وکیل نینگ موضوع بیلن تیگیشلی اوله راق سنا و مجلس نینگ تشقی ایشلر کمیسیونلریگه معلومات یازووی بیرگن لیکلری قید ایتیلدی.

افغانستانده آیساف چوکاتیده هرات ولایتیده 900 نفر ایتالیالیک عسکر وظیفه اجرا ایتماقده. عین دمده ایتالیا قوراللی کوچلریگه باغلیغ 148 زمینی واسطه و 8 فروند اوچاق هم موجود.   

باشقه تاماندن مملکت نینگ مهم روزنامه لریدن بولمیش Corriere della Sera، ایتالیانینگ چیت ایلده گی عسکری ستراتیژیسیده اوزگریش کیلتیرگن لیگینی بیلدیردی.

"آسیاده کمراق لیکن افریقاده کوپراق عسکری بوله دی" دیب یازگن مذکور روزنامه ایتالیانینگ موصل شهری و عراق مقیاسیده گی عسکری سانینی کمه یتیره جگینی بیراق قاچاق کوچ گه قرشی کوره ش دایره سیده نیجر و لیبیا کبی افریقا مملکتلریده کوپه یتیره جگینی ادعا ایتدی.