امریکا قوشمه ایالتلری سوریه گه یوزلب حربی یوباردی

امریکا قوشمه ایالتلری سوریه گه تقریباً 600 نفر قوشیمچه حربی یوباردی. امریکا رهبریتی اوشبو حربی لرنینگ امریکالیک حربی لرنینگ سوریه دن چیقیش پروسه سی بوییچه همکارلیک قیله دیگن لیک لری بیلدیردی. 

سوریه ده گی محللی منبع لر, اوشبو حربی لرنینگ توناوکون فرات دریاسی نینگ شرقیده جایلشگن خراب عشق و صرین هوا قونلغه سی گه ییتیب کیلگن لیک لری نی معلوم قیلدی. 

امریکالیک حربی لرنینگ سوریه دن چیقیش پروسه سی نینگ باشلشی تقدیرده, اوشبو پروسه ده خراب عشق و صرین هوا قونلغه سیدن بیر مرکز صفتیده استفاده قیلینه دیگن لیگی بیلدیریلدی. 

حسکه ولایتی نینگ شمالشرقیده گی رُمَیلان و شمالیده گی تَل بَیدر ده گی هوا قونلغه لریدن ایسه ثقیله سلاح لرنینگ انتقال ایتتیریلیشی اوچون فایده له نیله دیگن لیگی معلوم قیلیندی. 

امریکا قوشمه ایالتلری مدافعه وزیرلیگی (پنتاگون) پنجشنبه کونی بیرگن بیاناتلریده, حربی لرنینگ سوریه دن چیقیش پروسه سی نینگ تکمیل بولیشی اوچون سوریه گه قوشیمچه حربی جونه تیلگن لیگی نی بیلدیرگن ایدی. 

امریکا قوشمه ایالت لری دولت رهبری دونالد ترامپ, 2018 – ییل 19-20 دسامبر کونی بیرگن بیاناتلریده, امریکالیک حربی لرنینگ سوریه ده گی اساسی هدفی نینگ داعش گه قرشی کوره ش دن عبارت ایکن لیگی نی بیلدیررایکن, اوشبو پروسه نینگ تکمیل بولگن لیگی نی معلوم قیلگن ایدی. 

شونده ی قیلیب ترامپ, ایندی امریکالیک حربی لرنینگ اوز یورت لری گه قیتیب کیلیشی کیره ک ایکن لیگی نی معلوم قیلرایکن, کیین ایسه امریکا نینگ خوفسیزلیک بوییچه بیروکرات لری نینگ تلقین لری آرتیدن اوشبو حربی لرنینگ آهسته و امنیتلی بیر شکلده سوریه دن چیقه دیگن لیک لری نی بیلدیرگن ایدی. 

ترامپ, امن منطقه نینگ قوریلیشی فکری نی مطرح قیلرایکن, امریکالیک مسئول لر, تورکیه نینگ بولووچی ترور تشکیلاتی وای پی جی/پی کا کا گه قرشی عملیات اویوشتیرمس لیگی نی طلب قیلگن ایدی. 

تورکیه ترورچی لرنینگ قورینیشی طلبی گه مخالفت قیلرایکن, امن منطقه نینگ قوریلیشی فکری نی ایسه قوللب- قُوَتله گن ایدی.