ایتالیاده ایرقچیلیک قیلگن سناتور قماققه محکوم قیلیندی

ایتالیاده, اولکه نینگ بیرینچی قاره تنلی وزیری سیسیله کیینگه گه حقارت قیلگن, اقتدارده گی افراطی راستگرا "لیگ" حزبی نینگ سناتوری روبرتو کالدیرولی, 18 آی قماققه محکوم قیلیندی.

کالدیرولی, 2013 – ییلیده قیلگن بیر صحبتیده, کیینگه نینگ میمونگه اوخشه گن لیگی نی بیلدیرگن ایدی. 

خوددی شوو دور نینگ اوزیده اوروپا پارلمانی اعضاسی بولگن مطابقت وزیری کیینگه, کالدیرولی گه قرشی دعوا اقامه قیلگن ایدی. 

محکمه کالدیرولی نینگ "ایرقچی حقارت" سببلی مجرم دیب قبول قیلینگن لیگی نی بیلدیردی. 

عیبلاو لرنی رد قیلگن و کیینگه گه هزل قیلگن لیگی نی بیلدیرگن کالدیرولی نینگ قمه له دیگن لیگی یاکه قملمیدیگن لیگی تمیز محکمه سی مراحلی نینگ تکمیل بولیشی آرتیدن انیق بوله دی. 

1983- ییلیده طب فاکولته سیده اوقیش اوچون دموکراتیک کانگو جمهوریتیدن ایتالیا گه کیلگن کیینگه ایسه اولکه ده ایرقچیلیک نینگ آرتیب کیتگن خوددی شوو دور نینگ اوزیده اوشبو قرار نینگ جوده هم مهم ایکن لیگی نی معلوم قیلدی. 

کیینگه, "اوشبو قرار, اولکه ده حاضرگی کونده هم ایرقچیلیککه دوچ کیلیب قالگن کیشی لر گه حرمت کورستیاتگن قاضی لرنینگ موجود ایکن لیگی نی کورستماقده" دییه قید ایتدی.