شمالی کوریا امریکا گه قتتیق عکس العمل کورستدی

شمالی کوریا, امریکا قوشمه ایالتلری خزانه دارلیک وزیرلیگی نینگ انسان حقلری نی پایمال قیلگن لیگی و سانسور لر سببلی آره سیده دولت خوفسیزلیک وزیری نینگ هم موجود بولگن اوچ یوقاری مرتبه لی شمالی کوریا لیک مسئول نی تحریم لستی گه کیریتگن لیگی اوچون قتتیق عکس العمل کورستدی. 

شمالی کوریا نینگ رسمی خبر آژانسی KCNA  آرقه لی ترقه تیلگن پیامده, امریکا قوشمه ایالتلری نینگ اوشبو سونگگی تحریم لری نینگ, کوریا یریم آرالی نینگ هسته ای قوراللردن تصفیه قیلینیشی هدفی نینگ سونگگی گه قدر موفقیتسیزلیککه اوچره تیلیشی گه سبب بولیشی نینگ ممکن ایکن لیگی بیلدیریلدی. 

بیاناتده, هسته ای برنامه لردن وازکیچیشی اوچون تحریم باسیمی نی آرتیریشی و شمالی کوریا رهبری کیم جونگ- اون رژیمی گه قره ته انسان حق لری اخلاق لری بوییچه عیبلاو لری نی دوام ایتتیریشی تقدیرده امریکا لیک مسئول لرنینگ خطا قیلگن بوله دیگن لیگی معلوم قیلیندی.

امریکا قوشمه ایالتلری خزانه دارلیک وزیرلیگی انسان حقلری نی پایمال قیلگن لیگی و سانسور لر سببلی آره سیده دولت خوفسیزلیک وزیری نینگ هم موجود بولگن اوچ یوقاری مرتبه لی شمالی کوریا لیک مسئول نی تحریم لستی گه کیریتگن ایدی. 

امریکا قوشمه ایالت لری دولت رهبری دونالد ترامپ بیلن شمالی کوریا رهبری کیم جونگ- اون, جون آیی نینگ 12 نچی کونیده سنگاپورده اوز ارا اوچره شرایکن, خوددی شوو اوچره شوو جریانیده ایککی رهبر شمالی کوریا نینگ هسته ای قوراللردن تصفیه قیلینیشی بوییچه کیلیشیب آلگن ایدی. 

سونگگی پیتلرده تامان لر اورته سیده هسته ای قورالسیزلشتیریش بیلن علاقه لی اوچره شوو لر تقریباً توختب قالرایکن, ترامپ, جنوری یاکه فبروری آییده کیم جونگ - اون بیلن اوچره شیشی نینگ ممکن ایکن لیگی نی معلوم قیلگن ایدی.