فرانسه ده گی حادثه گه قول اورگن کیشی اولدیریلدی
پولیس تامانیدن آلیب باریلگن عملیات آرقه لی اولدیریلگن
فرانسه نینگ سترازبورگ شهریده سه شنبه کونی کیچه NOEL بازارینی آماج قرار بیریب هجوم اویوشتیرگن هجومچی اولدیریلدی.
فرانسه مطبوعاتیده اورن آلگن خبرلرگه کوره، مذکور هجومگه قول اورگن لیگی ایتیلگن 29 یاشده گی چریف چیکات شهرده گی لزارت جاده سیده پولیس تامانیدن اویوشتیریلگن عملیاتده اولدیریلدی.
باشقه تاماندن چیکات نینگ سینگلیسی نینگ توناون کونی پایتخت پاریسده نظارت گه آلینگن لیگی بیلدیریلدی.
سترازبورگ نینگ مهم میدانلریدن پلاس کلیبرده قوریلگن Noel بازاری گه یقین بیر منطقه دن سه شنبه کونی کیچه قورال فیر قیلینگن ایدی.
هجومچی نینگ حادثه نینگ آرتیدن قاچیب کیتگن لیگی افاده ایتیلگن ایدی.
پاریش قاره لاوچیسی رمی هیتز، مذکور هجومده 3 کیشی نینگ حیاتینی یوقه تگن لیگینی 12 کیشی نینگ یره لنگن لیگینی قید ایتگن ایدی.
هجومچی نینگ پولیس نینگ تعقیبی آستیده گی 29 یاشده بولگن چریف چیکات ایکن لیگینی معلوم قیلگن هیتز، بو شخص نینگ بوندن آلدین اوغیرلیک و تجاوز جرملریدن فرانسه، آلمان و سویس ده محکمه تامانیدن 27 مرته جزا بیریلگن لیگینی قید ایتگن ایدی.
علاقه لی ینگی لیکلر
مصر تشقی ایشلر وزیری تورکیه گه تشریف بویوره دی
استانبولده تورکیه و مصر تشقی ایشلر وزیرلری اورته سیده اوچره شوو بولیب اوته دی