امریکا قوشمه ایالتلری تشقی ایشلر وزیری: جمال قاشیقچی نینگ حادثه سی آیدین له نیشی ضرور

آیدین لنمه گن تقدیرده قانع بولمه یمیز

1075472
امریکا قوشمه ایالتلری تشقی ایشلر وزیری: جمال قاشیقچی نینگ حادثه سی آیدین له نیشی ضرور

امریکا قوشمه ایالتلری تشقی ایشلر وزیری مایک پمپیئو سعودی ژورنالیست جمال قاشیقچی جنایت حادثه سی تمامن آیدینلنمه گن تقدیرده قانع بولمس لیکلرینی بیان ایتدی.

مایک مپمیئو، وزیرلیک پرسونلی گه الکترونیک پوسته آرقه لی، سعودی ژورنالیست جمال قاشیقچی نینگ اولدیریلیشی و آلیب باریلگن تحقیق بیلن تیگیشلی بیر متن یوبارگن.

امریکا قوشمه ایالتلری میدیاسیده اورین آلگن مذکور میل نینگ متنی گه پمپیئو شولرنی یازگن:

"سعودی عربستان نینگ بو موضوعده جدی بیر شکلده مسؤلیت آلگن لیگینی کورماقده میز. لیکن حادثه نینگ نیمه دن عبارت ایکن لیگی آیدینله تیلمه گن تقدیرده بیر قانع بولمه یمیز" دیب یازگن.

پمپیئو، وزیرلیکده اویوشتیرگن مطبوعاتی کنفرانسده هم، قاشیقچی نینگ اولیشی بیلن تیگیشلی سعودی لیک 21 کیشی نینگ ویزه سی نینگ کنسل قیلینیشینی، بو کیشی لرگه ویزه ممانعتی و "گلوبال مگنیتسکی انسان حقلری مسؤلیت قانونی" دایره سیده چیکلاو عملی قیله جکلرینی بیان ایتگن ایدی.

  واشنگتن پوست روزنامه سی نینگ یازووچیسی سعودی لیک ژورنالیست جمال قاشیقچی 2 اکتوبر 2018 سه شنبه رسمی ایشلر اوچون سعودی عربستان نینگ استانبول باش قونسلخانه سیگه بارگندن کیین لادرک بولگن ایدی.

سعودی عربستان اداره چیلری، 20 اکتوبرده قاشیقچی نینگ "قونسلخانه بناسی نینگ ایچیده یوز بیرگن جنجال عاقبتیده اولگن لیگینی" بیان ایتگن ایدی.  



علاقه لی ینگی لیکلر