امریکا قوشمه ایالتلری ینه افغانستانگه عسکر جونتدی

اوشبو عسکر لرنینگ سانی نینگ قریب بیر مینگ کیشی دن عبارت ایکن لیگی بیلدیریلدی

امریکا قوشمه ایالتلری ینه افغانستانگه عسکر جونتدی

امریکا قوشمه ایالتلری مدافعه وزیرلیگی پنتاگون, افغانستانگه قریب بیر مینگ عسکر جونتگن لیگی نی بیلدیردی.

خودی منه شوو امریکا لیک عسکر لرنینگ افغانستانده گی 36 حربی مرکز گه یوباریلگن لیک لری معلوم قیلیندی. 

عینی دمده افغانستان خوفسیزلیک کوچلری نینگ تعلیمی اوچون ینگی بیر حربی قطعه نینگ تشکیل ایتیلگن لیگی معلوم قیلینرایکن, خودی منه شوو قطعه نینگ نیچه کیشی دن تشکیل تاپه دیگن لیگی توغریسیده ایسه انیق بیر معلومات بیریلمه دی. 

میلادی 2001 نچی ییلی سپتامبر آیی نینگ 11 نچی کونیده نیویورکده اویوشتیریلگن ترورچیلیک هجومی آرتیدن افغانستانگه عسکر جونتگن امریکا قوشمه ایالتلری نینگ دینگیز پیاده لری قوماندانی رابرت نیلر, واشنگتن نینگ, بونگه اوخشش باشقه بیر حادثه نینگ یوز بیرمسلیگی اوچون افغانستانده گی عسکری موجودیتی نینگ دوام ایته دیگن لیگی نی ایسله تیب اوتدی. 

عینی دمده جنرال نیلر, افغانستان رهبر لری نینگ ایچکی اوروش لرنینگ اداققه ییتیشتیریلیشی اوچون طالبان بیلن مذاکره گه تیار بولیش لری کیره ک ایکن لیگی نی معلوم قیلدی. 

امریکا قوشمه ایالت لری دولت رهبری دونالد ترامپ ایسه, افغانستانده گی امریکالیک حربی لری سانی نینگ قریب 14 مینگ کیشیدن عبارت بولیشی کیره ک ایکن لیگی نی بیلدیردی. 

میلادی 2018 نچی ییلی مارچ آیی نینگ 27 نچی کونیده اوزبیکستان پایتختی تاشکنتده افغانستان, روسیه, تورکیه, پاکستان و باشقه اولکه لرنینگ نماینده لری نینگ اشتراکی بیلن افغانستانده تینچلیک نینگ اورنه تیلیشی توغریسیده خلق ارا بیر کنفرانس بولیب اوتدی. 

اوشبو ییغیلیش جریانیده کابل رهبریتی بیلن طالبان گروهی اورته سیده مذاکره لر نینگ باشله تیلیشی طلب ایتیلدی. 

طالبان گروهی ایسه, چیت ایللیک عسکر لرنینگ افغانستاندن چیقیش لری تقدیرده گینه افغانستان حکومتی بیلن مذاکره قیلیش گه تیار ایکن لیگی نی بیلدیرماقده. 



علاقه لی ینگی لیکلر