ایندی خاتین – قیزلرنینگ اوز باشیگه عربستانگه سیاحت قیلیشلری ممکن

Arab News بیرگن خبرگه کوره، سعودی عربستان توریزم و ملی میراث کمیته سی عمومی مدیری عمر المبارک، خاتین – قیزلرنینگ یانلریده ایرکک بولمه ی توروب سیاحت قیلیشلری اوچون ویزه بیریشگه باشله گنلیکلرینی ایتگن.

لیکن بو ویزه نینگ 30 کونلیک و بیر بار کیریش ایکنلیگینی افاده ایتگن.

اقتدار وهابی لرنینگ قولیده بولگن سعودی عربستانده، ولیعهد شهزاده محمد بن سلمان توریزم سکتورینی، اقتصادنی رونق بیریش و اولکه نینگ افراطی محافظه کار کورینیشینی برطرف ایتیش اوچون بیر قطار بویوک پروزه لر باشله تگن ایدی.

مکه معظمه و مدینه منوره دن تشقری ینگی توریزم ساحه لری یراتیب اولکه ده گی ایش ساحه سینی کینگه یتیریشنی آماج قرار بیرگن.

ولیعهد شهزاده 1 اگستده قیزیل دینگیزده 50 آرالده خلق ارا تعطیل قشلاغی ایجاد ایتیلیشیدن خبر بیرگن ایدی.

شرعیت قانونلری اورنیده خلق ارا حقوق عملی وبوله دیگن مذکور منطقه ده گی پروزه نینگ بیرینچی قسمی نینگ 2022- ییلی نهائی بولیشی کوتیلماقده.