روسیه بیلن علاقه لی مهم بیر اوروش ادعا سی

روسیه نینگ سپتامبر آییده اوتکزگن حربی تطبیقاتیده اساسی مقصد نینگ ناتو بیلن اوروپا اولکه لری گه قرشی اوروش گه تیارگرلیک دن عبارت ایکن لیگی ادعا ایتیلدی. 

آلمانده باسیلیب چیقه دیگن بیلد روزنامه سی, غربی استخبارات منبع لری گه تینتیریب بیر خبریده, روسیه نینگ 100 مینگ عسکر بیلن اوتکزگن حربی تطبیقاتی نینگ رسمی آتی نینگ "تروریزم گه قرشی کوره ش" بولیشی گه قره مسدن, اوشبو تطبیقات نینگ اساسی مقصدی نینگ ناتو و اوروپا اولکه لری گه قرشی اوروش گه تیارگرلیک دن عبارت ایکن لیگی نی بیلدیردی. 

اوشبو تطبیقات نینگ سناریوسیده بیر نیچه کون مابینیده بالتیک اولکه لری نینگ آلینیشی نینگ هدف قیلیب آلینگن لیگی معلوم قیلیندی. 

روزنامه, روسیه اردوسی نینگ اوروش پلان لری نینگ, ناتو نینگ مقاومتی نی سیندیریش نی قمره گن لیگی, اوشبو دایره ده آلمان و هالند دینگیز کوچ لری نینگ, شمالدن اویوشتیریله دیگن هوائی هجوم بیلن اوریلیشی نینگ هم پلانلنگن لیگی نی ادعا ایتدی.

روزنامه بیلن مصاحبه قیلگن استخبارات مسئول لری, روسیه نینگ اوروش نینگ باشلب کیتیشی تقدیرده, سویدن و فندلند نینگ طرفسیز بولیب قالمیدیگن لیک لری نی اویلَب اوشبو اولکه لر نی راکت بیلن اوروشنی ریجه له گن لیگی نی ادعا قیلدی.