ناتو قومندانی، روسیه گه افغانستان بیلن علاقه لی جواب بیردی

ناتونینگ افغانستان ده گی کوچلری نینگ قومندانی جان نیکلسن، امریکا قوشمه ایالتلری نینگ افغانستان ده اصلاً مغلوبیت گه اوچره شمس لیگینی بیان ایتدی.

پایتخت کابل ده اویوشتیرگن مطبوعاتی کنفرانس ده صحبت قیلگن نیکلسن، ناتو و امریکا قوشمه ایالتلری نینگ افغانستان ده تروریزم گه قرشی کوره ش توغریسیده خوفسیزلیک کوچلری نینگ یانیده بوله دیگن لیکلرینی بیلدیردی.

امریکا قوشمه ایالتلری نینگ ینگی أفغانستان ستراتیژیسی نینگ افغانستان خلقی نینگ کیلجگی اوچون جوده مهم ایکن لیگینی معلوم قیلیب، ینگی ستراتیژی نینگ عملی بولیب باشله ییشی بیلن افغانستان خوفسیزلیک کوچلریگه همکارلیک نینگ کوپراق بوله دیگن لیگینی اورغوله دی.

نیکلسن، افغانستانده بوندن بویان تروریزم نینگ قالمس لیگینی بیان ایتدی.

طالبان گروهی گه قره ته چقیریغ عملگه آشیریب، "قورالینگیزنی قوییب صلح پروسه سیگه قوشیلینگ" دیدی.

افغانستان خلقی نینگ تینچ لیک خواهله گن لیگینی قید ایتگن نیکلسن اولکه ده تینچ لیک نینگ برقرار بولیشی اوچون بیرگه لیکده فعالیت قیله دیگن لیکلرینی تأکییدله دی.

ناتونینگ فغانستان ده گی کوچلری  چوکاتیده، اولکه ده محلی کوچلرنی تربیه لش، مصلحت بیریش و یاردم عملگه آشیریش اوچون تقریباً 13 مینگ 500 عسکری موجود ایکن، بونینگ 8 مینگ 400 کیشیسی امریکالیک عسکرلردن عبارت.

روسیه تشقی ایشلر وزیری سرگی لاوروف، امریکا قوشمه ایالتلری نینگ دولت باشلیغی دونالد ترامپ تامانیدن اعلام قیلینگن "ینگی أفغانستان ستراتیژیسی نینگ" موفق بولیشی نینگ ممکن ایمس ایکن لیگینی بیلدیرگن ایدی.