فرانسه تشقی ایشلر وزیری عرب اولکه لرینی چیکلاونی نهائی قیلیش گه چقیردی

فرانسه تشقی ایشلر وزیری جان يفيس لي دريان عرب دولتلرینی، قطرگه نسبتاً کیریتگن و خلققه ضرر ییتکزگن چیکلاولرینی نهائی قیلیشگه چقیردی.

772285
فرانسه تشقی ایشلر وزیری عرب اولکه لرینی چیکلاونی نهائی قیلیش گه چقیردی

 

فرانسه تشقی ایشلر وزیری 15-جولای کونی کورفز معماسینی حل قیلیش نیتیده قطر پایتختی دوحه ‌ده ایدی.

پایتخت دوحه ‌ده کسبداشی محمد بن عبدالرحمان آل ثاني بیلن اوچره‌ شگن جان يفيس لي دريان،

«فرانسه عرب دولتلرینی، خلققه، اینیقسه‌ تورلی دولتلردن بولیب بیر- بیریدن اجره ‌گن عایله ‌لرگه ضرر ییتکزگن چیکلاولرینی تیزلیک بیلن نهائی قیلیشگه چقیره‌ دی» دیدی.

شونینگدیک لي دريان، عرب دولتلری بیلن قطر اورته ‌سیده‌ گی معمانی حل قیلیش اوچون کویت آلیب بارگن فعالیتلرنی آخریگچه قوللب - قوّتله‌ گن لیکلرینی هم اوز سوزیگه علاوه‌ ایتدی.

لي دريان،

«پاریس، معما توغیلگنیدن بیری تامانلر اورته‌ سیده‌ گی ملاقات ترتیبینی حمایه‌ قیلیشگه حرکت قیلدی. قطر تشقی ایشلر وزیری بیلن بیر نیچه‌ مسئله ‌نی قولگه آلدیک. اولرنینگ کوپچیلیگی کورفزده ‌گی آخرگی وضعیت حقیده ایدی» دیب ایتدی.

رسمی سفر بیلن اوتگن هفته‌ دوحه ‌گه بارگن امریکا قوشمه‌ ایالتلری تشقی ایشلر وزیری رکس تیلرسون هم، انگلستان و کویت تشقی ایشلر وزیرلری بیلن بیرگه‌ قطر معماسی نینگ تیزلیک بیلن حل قیلینیشی کیره‌ ک لیگینی قید ایتگن ایدی.

ایتیب اوتیش کیره ک که، کورفزده‌گی معما جاري ییل نینگ 5- جونی کونی سعودی عربستان، مصر، بیرلشگن عرب امیرلیکلری و بحر‌ین ییتکچیلری نینگ قطر ایلچیلرینی اوز یورتلریگه قَیتریشی شونینگدیک، هوا و دینگیز ساحه ‌لرینی قطرگه نسبتاً یاپیشلری آرتیدن باشله ‌گن ایدی.

قطرگه نسبتاً چیکلاو کیریتگن 4 ته عرب دولتی مناسبتلرینی تیکلشی اوچون دوحه رهبریتیگه ترکيه‌ نینگ قطرده ‌گی مرکزینی یاپیشی، ایران بیلن بولگن مناسبتلرینی اوزیشی و الجزیره تلویزیون کانالینی یاپیش کبی مادّه ‌لرنی اوز ایچیگه آلگن 13 مادّه‌ لیک شرط قویگن. دوحه رهبریتی ایسه بونگه قرشی خلق ‌ارا حقوق قاعده ‌لریگه توغری کیلمه ‌یدیگن هیچ قنده‌ی طلب نینگ قبول قیلنمس لیگی حقیده‌ گی جوابینی ییتکزگن ایدی.



علاقه لی ینگی لیکلر