دونالد ترمپ نینگ مسلمان اولکه لر بیلن تیگیشیلی قراری امریکا محکمه لری تامانیدن رد ایتیلماقده

دونالد ترمپ نینگ مسلمان اولکه لر بیلن تیگیشیلی قراری امریکا محکمه لری تامانیدن رد ایتیلماقده

امریکا قوشمه ایالتلریده مسلمان اولکه لر وطنداشلری نینگ اولکه گه کیریش لرینی منع قیلگن دولت ریاستی فرمانینی توختتگن و قونلغه لرده نظارتگه آلینگن کیشی لرنینگ اولکه دن چیقریلیشی گه مانع بولگن محکمه لرنینگ سانی کون سایین آرتیب بارماقده.

بو قرارلرنی رد ایتگن محکمه نینگ سانی 5 گه چیقیب باردی.

نیورک فدرال محکمه سی نینگ آرتیدن 4 ایریم ایالت محکمه سی هم 7 مسلمان اولکه نینگ وطنداشلری نینگ امریکا قوشمه ایالتلریگه 90 کون گچه کیریش لرینی منع قیلگن دولت رئیس لیک فرمانینی توختتیب قویدی.

کلفورنیا، ویرجینا، واشنگتن و ماساچوست ایالتلریده گی فدرال محکمه لر مذکور اولکه وطنداشلری نینگ امریکا قوشمه ایالتلریده قالیش لری بیلن علاقه لی قرار آلدی.

امریکانینگ مدنی آزادلیک اتحادیه لر بیرلیگی اعضاسی بیر قطار مدافعه وکیل نینگ جون کندی قونلغه سیده نظارت گه آلینگن ایککی عراق وطنداشی نینگ آزاد ایتیلیشی و ترمپ نینگ مهاجرلر بیلن علاقه لی قراری نینگ توخته تیلیشی اوچون آلیب بارگن دعوانینگ آرتیدن، نیورک ده فدرال قاضی آن دانلی، اولکه دن چیقریلیش قراری نینگ "ترمیم قیلیشی ممکن بولمه گن بیر ضرر" گه باعث بولرلیگی بناً امریکاگه کیریش لری منع قیلینگن مسلمان اولکه وطنداشلری نینگ موقتی اوله راق امریکاده قالیش لریگه اجازه بیرگن ایدی.