پنتاگون سوزلاوچیسی: ترکیه نینگ داعش گه قرشی کوره شینی حمایه قیله میز

پنتاگون سوزلاوچیسی: ترکیه نینگ داعش گه قرشی کوره شینی حمایه قیله میز

امریکا قوشمه ایتالتلری مدافعه وزیرلیگی سوزلاوچیسی پتر کوک، ترکیه نینگ سوریه ده گی عسکری انگاجمانلرینی و ترک کوچلری نینگ الباب ده گی فداکارلیک لرینی کوریب تورگن لیکلرینی معلوم قیلیب، داعش گه باسیم عملی قیلیش اوچون اوجایگه قیلگن هر بیر فعالیت لرینی حمایه قیله میز، دیدی.

کوک کونده لیک مطبوعات بیاناتیده ژورنالیستلر تامانیدن مطرح بولگن ترکیه نینگ داعش گه قرشی سوریه نینگ الباب شهریده آلیب بارگن عملیاتلری بیلن علاقه لی سوالگه جواب بیردی.

ترکیه نینگ سوریه ده داعش گه قره ته کوره شده قیلگن فداکارلیگینی مختب، اوتگن هفته ائتلاف کوچلری نینگ، ترکیه نینگ طلبی گه بناً الباب منطقه سیده گروه نینگ شدتلی هجومی آستیگه قالگن ترک خوفسیزلیک کوچلریگه همکارلیک قیلیش مقصدی بیلن پروازلر عملگه آشیرگن لیگینی بیان ایتدی.

کوک اوچاقلرنینگ مهمات آتمه گن لیگینی بونینگ سببینی قولیده عملیات مشخصاتی بولمه گن لیگینی افاده ایتیب، الباب عملیاتی گه همکارلیک موضوعسی بوییچه ترک – امریکا اداره چیلری سویه سیده اوچره شوولرنینگ دوام ایتیب تورگن لیگینی قید ایتدی.

کوک، ترک عسکرلری بیلن ساحه ده گی ارتباط داخل یوقاری درجه ده تماسلری نینگ دوام ایتدیررلیکلرینی بیلدیردی.

عین دمده ترکیه نینگ الباب منطقه سیده روسیه بیلن داعش گه قرشی همکارلیک کیلیشووی عملگه آشیرگن لیگیدن خبری بولمه گن لیگینی قید ایتیب، بو موضوع نینگ ترک و روس اداره چیلرگه مطرح قیلینیشینی سوره دی.

پنتاگون سوزلاوچیسی ینگی ییل قوتلاو جریانیده 39 کیشی اولگن استانبول ده ترور حادثه سی بیلن علاقه لی اوله راق حادثه نی قاره لب، اولگن لرنینگ عائله لریگه تسلیت بیلدیردی.

مذکور سوزلاوچی داعش نینگ عراق و سوریه ده کنترولیده گی جایلرنی قولدن بیریب دوام ایترکن، معصوم عامه خلققه قره  ته هجوم اویوشتیررلیگینی بیلردیک. بو هجوملر بیزنینگ فعالیت لریمیزگه مانع بولالمه یدی. فعالیت لریمیز حاصل بیرماقده دیر، دیدی.