تورکیه مدافعه صنایع سی بوییچه ایلغار دولتلر دن اوتیب بارماقده

تورکیه نینگ مدافعه صنایع سی بوییچه موفقیت لری دنیا مطبوعاتی نینگ دقتی نی اوزیگه تارتماقده. 

اکونومیست مجله سی تورکیه نینگ اوشبو ساحه ده گی موفقیت لری گه اوزیگه خاص اورین اجره تدی. 

مجله ده گی, "دنیا نینگ ینگی قورال تولید ایتووچی لری بیلن تنیشینگ" عنوانی بیلن ترقه تیلگن مقاله ده, "تورکیه مدافعه صنایع سی محصولاتی صادراتیده قورال تولید ایتووچی ایلغار اولکه لردن اوتیب بارماقده" دییه قید ایتیلدی. 

اکونومیست, استکهلم خلق ارا تینچلیک تدقیقات لری انستیتوتی نینگ 2022- ییلی راپوری گه هم اورین اجره تدی. 

راپور گه کوره, آلدینگی بیش ییل بیلن سالیشتیریلگنده میلادی 2018- و 2022- ییل لرده تورکیه نینگ قورال صادراتی 69 فایز گه آشیب خلق ارا قورال بازاریده گی حصه سی ایکّی قَوَت گه آرتیب کیتدی. 

مقاله ده, تورکیه نینگ میلادی 2023- ییلده گی قورال صادراتی هدفی نینگ 6 میلیارد دالر ایکن لیگی بیلدیریلدی.