تورک تکنالوژی محصولی دنیاده بیرینچی اوریننی ایگلله دی

تورک ملی کمپیوتر کیبوردی, بیرلشگن ملتلر تشکیلاتی گه باغلیق INTERSTENO خلق ارا علاقه تکنالوژی سی فدراسیونی نینگ ترتیب له گن انترنت کیبورد مسابقه سی فاینلیده 11 مدال کسب ایتیب دنیا ده بیرینچی اوریننی ایگلله دی. 

فدراسیون نینگ تورک گروپی ریاستی و تورکیه نماینده لیگی تامانیدن بیریلگن بیاناتگه کوره, 27- مارچ بیلن 28- اپریل کونلری آره سیده انترنت آرقه لی بولیب اوتگن مسابقه گه 19 اولکه دن 1117 کیشی اشتراک قیلدی. 

بیر تیللی و کوپ تیللی اوله راق ایکّی مسابقه توریده, 4 یاش کتگوریسیده بولیب اوتگن 8 مسابقه ده 24 مدال بیریلدی. 

تورک ملی کمپیوتر کیبوردی, بیری دنیا ریکوردی دن عبارت 5 بیرینچیلیک, 3 ایکّینچیلیک و 3 اوچینچیلیک بیلن 11 مدال کسب ایتیب دنیا ده بیرینچی اوریننی ایگلله دی. 

مسابقه ده ایتالیا 4, چک جمهوریتی 3, جاپان 3, روسیه 2 و پولند 1 مدال کسب ایتدی. 

مدال کسب ایتگن مسابقه اشتراکچیشی یاش تورکلر, کیلگوسی ییلده پولند نینگ کاتوویتسه شهریده بولیب اوته دیگن دنیا کمپیوتر کیبورد قهرمانلیک مسابقه لریده تورکیه دن نماینده لیک ایته دی.