فضایی فعالیت لر یوریتیش دولت لر جهتی دن قنده ی اهمیت گه ایگه؟

"فضا گه حاکم بولگن دنیا گه حاکم بوله دی" دیگن بیر تئوری بار.  اوشبو تئوری گه بناً دولت لر اوزاق ییل لر دن بیری فضا بیلن علاقه لی فعالیت لری نی دوام ایتتیرماقده. 

آلتمیش بیر ییل آلدین فضا گه باریلدی

سابق سویت اتفاقی نینگ فضانوردی بولگن یوری گاگارین نینگ فضا گه چیقیشی دن 61 ییل اوتدی. 

اوزاق بیر مدت امریکا قوشمه ایالتلری بیلن سابق سویت اتفاقی اورته سیده بیر رقابت ساحه سی بولیب کیلگن آی, ناسا نینگ آرتمیس فضایی واسطه سی بیلن ینه بیر بار کون ترتیبی گه کیلیب قالدی. 

"آرتمیس 1" نینگ اوچیشی نینگ موفق بولیشی تقدیرده, ناسا فضانورد لری میلادی 2024- ییلده آی نینگ تیگره گیده اوچه آله دیگن بیر وضعیت گه کیلیب قاله دی.  میلادی 2025- ییلده ایسه آی گه قونیش قابلیتی گه ایگه بولیشی ممکن.  آرتمیس 1 وظیفه سی بوییچه معما لر سببلی, فضا گه یوباریلیش تاریخی اوچینچی مرته اوزگرتریلدی. 

فضایی فعالیت لر بوییچه مصرف لر سونگّی پیتلرده انچه آرتیب بارماقده

سونگّی پیتلرده امریکا قوشمه ایالتلری و باشقه اولکه لرنینگ فضایی فعالیت لر بوییچه مصرف لری نینگ انچه آرتیب باریاتگن لیگی کورینماقده.  بو ایسه فضایی فعالیت لر بوییچه ینگی بیر رقابت نینگ باشله گن لیگی نی کورستماقده. 

فضایی فعالیت لر بوییچه سرمایه کیریتیش

فضایی فعالیت لر بیلن علاقه لی ستلایت صنایع سی نینگ وضعیتی هم دقت گه سزاوار بیر موضوع نی تشکیل ایتماقده.  اوشبو ساحه بوییچه سرمایه گذارلیک اولکه لرنینگ فضایی فعالیت لر اوچون قیلیاتگن سرمایه گذارلیک لری جهتی دن انچه اهمیت گه ایگه.  خوددی شوو ساحه بوییچه سرمایه گذارلیک سونگّی اون ییلده 2 قَوَت گه آرتیب 271 میلیارد دالر گه ییتدی.  اینگ کوپ سرمایه گذارلیک قیلگن اولکه ایسه امریکا قوشمه ایالت لری دن عبارت.  اوشبو خصوصده امریکا آرتیدن چین و جاپان اورین آلماقده.

خوب, اولکه لر جهتی دن فضایی فعالیت لر نیمه اوچون اهمیت گه ایگه؟ دولت لر نینگ فضایی رقابت لری نینگ کیلگوسیده بیر بحران گه سبب بولیشی ممکن می؟

تجاری فضایی فعالیت لرنینگ امریکا قوشمه ایالتلریده باشله گن لیگی و باشقه غربی اولکه لر و جاپان گه قدر قولاچ یاییب کیتگن لیگی نی بیلدیرگن راکت بیلیمی بوییچه متخصص عارف قاره بیک اوغلی, اوز سوز لری نی قوییده گیچه دوام ایتتیردی:

"شرکت لر اقتصادی منفعت اوچون فضاده بعضی فعالیت لر یوریتماقده.  اوشبو فعالیت لر فضا توریزمی, کیلگوسیده بولیشی ممکن بولگن فضا معدنچیلیگی و دنیا نی کوزه تیش نی قمره ماقده.  اصلی گه قره گنده بولرنینگ همه سی تجاری فضایی فعالیت لر دن عبارت". 

فضایی فعالیت لر بوییچه تورکیه نینگ وضعیتی قنده ی؟

تورکیه نینگ اوشبو توغریده تکمیل بولگن و حاضرگی کونده دوام ایتیاتگن کوپلب پروژه لری موجود.  فعال خبرله شیش ستلایت سانی ایسه 8 گه ییتدی.  و فضا ده خبرله شیش ستلایتی بولگن 30 اولکه دن بیری گه ایلندی. 

استانبول تخنیک عالی بیلیم یورتی اوچاق و فضایی بیلیم لر بولیمی نینگ استادی پروفیسر داکتر عالم رستم اسلان, "خبرله شیش, ییرنی کوزه تیش و علمی تدقیقات ستلایت لری حقیده ایش آلیب باریلماقده.  بیز چیت دولت لر گه ستلایت صادر قیلماقده میز.  تورکیه نینگ بیر ملی فضا گه یوباریش پروژه سی موجود.  فضا ده موجود بولیش انچه مهم.  خواهله گن مقدارده فضایی سیستمینگیز بولسین, بونی فضا گه یوباره آلمه سنگیز یاکه فضا گه یوباریش گرنتینگیز بولمه سه کتته بیر قیین چیلیک دن عبارت بوله دی.  اوشبو پروژه لرنینگ همه سی تورکیه ده موجود" دییه قید ایتدی.