تکنالوژی معتادلیگی

تکنالوژی معتادلیگی و تور لری حاضرگی کونده انسان لرنینگ اینگ کتته معما لریدن بیری نی تشکیل ایتماقده. اوشبو معما تور لری بیرینچی نوبت ده انترنت و اوین معتادلیگی دن عبارت ایکن, عقللی تلفن لرنینگ پیدا بولیشی بیلن اوشبو قیین چیلیک باشقه چه بیر بُعد کسب ایتدی. 

اوشبو وضعیت انگلیس تیلیده فبینگ (phubbing) دیب ناملنماقده. 

فبینگ اساساً, انسان لر بیلن گپیریاتگن پیتده تلفن لری دن فایده له نیاتگن کیشی لر اوچون استفاده ایتیلماقده. 

امریکا قوشمه ایالتلریده قیلینگن بیر تدقیقات نتیجه سیده انسان لرنینگ 98 فایز مقیاسیده بونده ی وضعیت گه کیلیب قالگن لیگی کورینگن. 

انسان لر نینگ اجتماعی ترماق لردن اینگ کوپ تیک تاک, انستاگرام, تویتر و فیسبوک نی کوزه تیاتگن لیک لری انیقلنگن.

قیلینگن تدقیقات لر, بیز نینگ جوده کوپ تلفن دن فایده له نیاتگن لیگی میزنی کورستماقده.  حتی انسان لرنینگ تلویزیون تماشا قیلیاتگن پیتده هم 99 فایز مقیاسیده تلفن دن فایده لنگن لیگی کورینگن. 

انسان لرنینگ 90 فایزی تشناب ده تلفن دن فایده لنماقده.  اوشبو کیشی لرنینگ 75 فایزی تلفن لری بیلن شغلله نیب قالگن لیک لری اوچون تشناب ده ریجه لنگن مدت دن کوپراق قالیش گه مجبور بولیاتگن لیک لری نی بیلدیرماقده. 

ایرته لب اویغانگن ساعت دن باشلب کیچه اوخله گونگه قدر تلفن لری میز بیلن مشغول ایکن لیگی میز بیلینگن بیر حقیقت.  تدقیقات گه اشتراک قیلگن کیشی لرنینگ 86 فایزی نینگ اوخله مسدن آلدین, 82 فایزی نینگ ایسه اویغانگندن کیین تلفن لری گه قره گن لیک لری انیقلندی. 

تدقیقات نتیجه سی اوشبو معتادلیک شکلی نینگ جوده هم مهم ایکن لیگی نی کورستماقده.  انسان لرنینگ تلفن لری گه کیلگن بیر پیام نی قره می فقط  گینه اورته چه 64 دقیقه کوتیاتگن لیگی کورینماقده.