اردوغان: تورکیه نینگ هایدروالکتریک ظرفیتی نی ایکّی یریم برابر آشیردیک

تورکیه جمهوریتی جمهوررئیسی رجب طیب اردوغان, تورکیه نینگ هایدروالکتریک ظرفیتی نی قیسقه بیر مدت مابینیده 2,5 برابر آشیریب 44 میلیارد کیلوات- ساعت دن 110 میلیارد کیلوات- ساعت گه ییتکزگن لیک لری نی بیلدیردی.

اردوغان, پایتخت انقره ده بیش تپه ملت و کنگره و مدنیت مرکزی ده دولت سوو ایش لری اداره سی تامانیدن قوریلیش ایش لری تکمیل بولگن 34 هایدروالکتریک سنترالی نینگ آچیلیش مراسمی گه اشتراک قیلدی. 

جمهوررئیس اردوغان, تورکیه نینگ برق تولیدی ظرفیتی گه ییل لیک 1,9 میلیارد کیلوات ساعت گه یقین حصه قوشه دیگن اینگ یوکسک بند دن عبارت یوسف ایلی نینگ, قوریلیش ایش لری نینگ تقریباً تکمیل بولگن لیگی نی بیلدیردی. 

اردوغان, "سونگّی 20 ییلده اولکه میزگه بوگون آچیله دیگن سنترال لر بیلن بیرگه 605 ینگی هایدروالکتریک سنترال کسب ایتتیردیک و توپلم رقم نی 730 گه چیقارگن لیگی میز بیلن فخرلنماقده میز" دییه قید ایتدی.