تورک تدقیقاتچی لر ایککی سیاره تاپدی

اوشبو ینگیلیک بیلن علاقه لی مقاله انگلستان نینگ مهم علمی مجله سیده باسیلیب چیقدی

1778203
تورک تدقیقاتچی لر ایککی سیاره تاپدی

تورکیه ده انقره عالی بیلیم یورتی آسترونومی و فضا بیلیم لری دیپارتمنتی تدقیقاتچی لری, دنیا دن 1336 یاروغلیق ییلی مسافه ده گی کپلر- 451 قوشه لاق یولدوز تیزیمیده ایککی ته سیاره تاپدی.

انقره عالی بیلیم یورتی ساینس فاکولته سی آسترونومی و فضا بیلیم لری بولیمی نینگ باشلیغی پروفیسر داکتر سلیم عثمان سلام, اوشبو پوهتنون نینگ کریکن رصدخانه سیده گی پروفیسر داکتر براءالدین آلبیرق تلسکوپی و چنق قلعه اون سیکیز مارت عالی بیلیم یورتیده گی تلسکوپ بیلن قوشه یولدوز نینگ یاروغلیق اولچاوی کوزه تیلگن لیگی و بوندن تشقری کپلر و TESS فضا تلسکوپ لری بیلن قولگه کیریتیلگن معلومات لردن استفاده ایتیلگن لیگی نی بیلدیردی.

سلام, "شونده ی قیلیب کپلر-451 تیزیمیده آلدین کشف ایتیلگن بیر سیاره دن تشقری, مشتری قدر بولگن ینه ایککی کتته سیاره نینگ موجودیتی نی هم کشف ایتدیک" دییه قید ایتدی. 

سلام, قوشه یولدوز لر اطرافیده گی 21- و 22- سیاره نینگ تاپیلیشی بیلن فضاده  کشف ایتیلگن سیاره سانی نینگ 22 گه ییتگن لیگی نی بیلدیردی. 

سلیم عثمان سلام, "سیاره لردن بیری مشتری نینگ کتله سی نینگ تقریباً 1,5 برابری, باشقه سی ایسه ایککی قَوَتی گه یقین. گازدن تولیق بولگن لیگی اوچون اوشبو سیاره لرده یشش احتمالی موجود ایمس" دییه قید ایتدی. 

اوشبو سیاره لرنینگ کشفی بیلن علاقه لی مقاله انگلستانده باسیلیب چیقه دیگن علمی مجله دن عبارت Monthly Notices of the Royal Astronomical Society ده باسیلیب چیقدی.



علاقه لی ینگی لیکلر