کرونا ویروس واکسینی میلادی ینگی ییلده فایده له نیش گه تیار بوله دی

اوشبو مطلب نی چین نینگ سینو واک شرکتی بیلدیردی

1497205
کرونا ویروس واکسینی میلادی ینگی ییلده فایده له نیش گه تیار بوله دی

چین نینگ  سینو واک (SinoVac) شرکتی ینگی تور کرونا ویروس (کووید 19) گه قرشی واکسین نینگ میلادی 2021- ییلده فایده له نیش گه تیار بولیشی نینگ ممکن ایکن لیگی نی معلوم قیلدی. 

سینو واک باشقروچی لری دن بیری بولگن یین ویدونگ, اوچینچی باسقیچ کلینیک تست لری دوام ایتیاتگن کرونا واک " CoronaVac " آتی گه ایگه واکسین نی امریکا قوشمه ایالتلری, اوروپا بیرلیگی و باشقه اولکه لر گه ترقه تیش نی ریجه له گن لیک لری نی بیلدیردی. 

چین حکومتی نینگ, بیرینچی و ایککینچی باسقیچ تست لر دن موفقیت بیلن اوتگن اوشبو واکسین کاندیدی نینگ عاجل وضعیت لر ده استفاده ایتیلیشی گه اجازت بیرگن لیگی نی بیلدیرگن ویدونگ, اوزی داخل شرکت پرسونلی نینگ 90 فایزی نینگ واکسین قیلدیریلگن لیگی نی معلوم قیلدی.

تاثیرسیز وضعیت گه کیتیریلگن ویروس دن عبارت اوشبو واکسین کاندیدی نینگ اوچینچی باسقیچ کلینیک تستی 21 جولای ده برازیل ده و 11 آگست ده ایسه اندونزیا ده باشله گن ایدی. 

تورکیه جمهوریتی ساغلیق نی سقلش وزیری فخرالدین کوجه, 17 سپتامبرده بیرگن بیاناتیده, کرونا واک " CoronaVac " نینگ حاجت تپه عالی بیلیم یورتی ده اوچ نفر کونگللی ساغلیق پرسونلی ده تست ایتیلگن لیگی نی معلوم قیلگن ایدی. 

کوجه, اوشبو واکسین کاندیدی نینگ بیرینچی دن 1200 نفر ساغلیق پرسونلی و کیین ایسه 12 الی 13 مینگ کیشی ده تست ایتیلیشی نینگ ریجه لنگن لیگی نی بیلدیرگن ایدی. 



علاقه لی ینگی لیکلر