کووید 19 نینگ چین ده بیر لابراتوار ده ایشلب چیقَریلگن لیگی ادعا ایتیلدی

طب ساحه سی بوییچه نوبل ساورینی گه ایگه فرانسه لیک داکتر لوک مونتانیه, ینگی تور کرونا ویروس (کووید 19) نینگ چین نینگ ووهان شهریده بیر لابراتوار ده ایشلب چیقریلگن لیگی نی ادعا ایتدی. 

لوک مونتانیه, Pourquoi docteur انترنت سایتی آرقه لی ترقه تیلگن پیامی ده, اوشبو ویروس نینگ ووهان شهریده بیر حیوان بازاری ده پیدا بولگن لیگی گه ایشانمیاتگن لیگی نی بیلدیردی. 

"کووید 19, ووهان شهریده گی لابراتوار ده ایشلب چیقریلدی.  اوشبو لابراتوار, 2000 – ییل دن بیری کرونا ویروس خصوصیده یخشی لب معلومات ایگه سی بولگن ایدی" دییه قید ایتگن مونتانیه, خوددی شوو موضوع نی جوده چقور تیکشیریب چیققن لیگی نی معلوم قیلدی. 

مونتانیه, CNEWS بیلن قیلگن مصاحبه سیده ایسه, "بو ویروس طبیعی بیر شکلده پیدا بولمه دی.  بونینگ پیدا بولیشی مسلکی بیر ایش.  نیمه اوچون بونده ی بیر ایش نینگ قیلینگن لیگی نی ایسه بیلمَیمن" دییه قید ایتدی. 

کووید 19 ده HIV پارچه لری نینگ موجود بولیشی نینگ ممکن ایکن لیگی نی بیلدیرگن مونتانیه, اوز سوز لری نی, "اوشبو یول بیلن ایدس گه قرشی واکسین تولید ایتیش گه حرکت قیلگن بولیش لری ممکن" شکلیده دوام ایتتیردی.