انگلستان ده اسلام اکادمیسی گه هجوم اویوشتیریلدی

اوشبو حمله نتیجه سیده اکادمی نینگ شیشه لری سیندی

انگلستان ده اسلام اکادمیسی گه هجوم اویوشتیریلدی

انگلستان نینگ شمالشرقیده اسلام اکادمیسی گه حمله قیلیندی.  خوددی شوو مرکز نینگ شیشه لری سیندیریلرایکن, قرآن عظیم الشان نینگ صفحه لری ییرتیلیب تشلنگن. 

اکادمی مسئولی امام عبدالمحیط اولکه نینگ شمالشرقیده جایلشگن نیوکاسل ده گی بحر اکادمیسی ده دوشنبه کیچه سی اویوشتیریلگن هجوم آرتیدن پولیس بیلن بیرگه اکادمی نینگ مسجدی گه بارگن لریده 18 یاشدن کیچیک 6 یاش باله نی کورگن لیک لری و هر تامان گه تیل توکیلگن لیگی گه شاهد بولگن لیک لری نی معلوم قیلدی. 

عبدالمحیط, "بیز یانغین نی کورمه دیک. لیکن بیر گلیم یانگن ایدی.  هر نرسه نی یاقیش اوچون تیارگرلیک اوتکزیاتگن دیک کورینماقده ایدی.  اوز اورته لریده مسلمان ترورچی لر دیب کولیشماقده ایدی" دییه قید ایتدی.

عبدالمحیط, حادثه محللی گه ایلک نوبتده بارگن پولیس تیمی ده گی پولیس لر سانی نینگ کم ایکن لیگی سببلی 6 نفر مظنون نینگ قاچیب کیتگن لیک لری و کیین چه لیک ایسه سه شنبه کونی اوشلنگن لیک لری نی معلوم قیلرایکن, اوشبو اکادمی ده تورتینچی مرته بونده ی حادثه نینگ یوز بیرگن لیگی نی بیلدیردی. 

انگلستان شمالیده اسلامی درس لر بیریاتگن بیرته گینه بیلیم درگاهیدن عبارت ایکن لیک لری نی بیلدیرگن عبدالمحیط, کیلگوسیده بوندن هم یمان بیر وضعیتگه دوچ کیلیب قالیشدن قورقیاتگن لیک لری نی معلوم قیلدی. 

رسمی معلومات لر گه کوره, 15 مارچ کونی نیوزیلند ده ایککی مسجد گه قره ته اویوشتیریلگن هجوم آرتیدن انگلستان ده مسلمان لر گه قرشی حمله لر میزانی انچه آرتیب کیتگن.  حتی نیوزیلند حادثه سی آرتیدن انگلستان ده مسلمان لر گه قرشی حمله میزانی نینگ 600 فایز آرتیب کیتگن لیگی بیلدیریلماقده. 



علاقه لی ینگی لیکلر