رواندا‌دن تورکيه‌گه دولت رهبری درجه‌سیده‌گی ایلک رسمي تشریف

برنامه

2236093
رواندا‌دن تورکيه‌گه دولت رهبری درجه‌سیده‌گی ایلک رسمي تشریف

"تورکیه تشقی سیاستی" دستوری نینگ ینگی سانی بیلن ینه‌ بیرگه‌میز. بوگونگی سانیمیزده " رواندا‌دن تورکيه‌گه دولت رهبری درجه‌سیده‌گی ایلک رسمي تشریف " موضوعی قولگه آلینه‌دی.

 

خلق‌ارا مناسبتلر متخصصی دوکتور جمیل دوغاچ ایپېک نینگ موضوع حقیده‌گی یازووینی تقدیم اېته‌میز.

 

رواندا‌دن تورکيه‌گه دولت رهبری درجه‌سیده‌گی ایلک رسمي تشریف بیر نېچه‌ کون آلدین عملگه آشیریلدی.

جمهور رئیس رجب طیب اېردوغان و رواندا جمهور رئیسی پاول کاگامه، یوزمه-یوز و هیئتلر اورته‌سیده‌گی اوچره‌شوولر همده‌ بیتیملرنی امضالش مراسمیدن سونگ، قوشمه‌ مطبوعات انجمنینی اوتکزیب، بیاناتلر بېردیلر. جمهور رئیس اېردوغان، رواندا جمهور رئیسی کاگامه نینگ تشریفینی رواندا‌دن تورکيه‌گه دولت رهبری درجه‌سیده‌گی ایلک رسمي تشریف اېکنلیگینی تأکیدلب، رواندا جمهور رئیسی کاگامه‌نی قبول قیلیشدن کتّه‌ ممنونیت بیلدیردی. جمهور رئیس اېردوغان و رواندا جمهور رئیسی کاگامه اشتراکیده ایکّی دولت اورته‌سیده 4 ته بیتیم امضالندی. امضالنگن بیتیملر شولردن عبارت: "رواندا رواندا ییتکرمه آژانسی (RBA) بیلن تورکيه رادیو تلویزیونی (ت رت) اورته‌سیده رادیو و تلویزیون ساحه‌سیده اکیلیشوو "؛ "ملکی هواچیلیک واسطه سی فلاکتلرینی و جدّي حادثه‌لرنی تېکشیریش بوییچه‌ همکارلیک کیلیشووی"؛ "تورکيه و رواندا اورته‌سیده مېدیا و علاقه ساحه‌سیده کیلیشوو"؛ "جمهور رئیسلیک مدافعه‌ صناعتی باشقرمه‌سی و رواندا مدافعه‌ وزیرلیگی اورته‌سیده همکارلیک کیلیشووی".

 

تورکيه و رواندا اورته‌سیده‌گی دیپلوماتیک مناسبتلر سونگگی ییللرده مهم‌ یوتوقلرگه اېریشیب، مستحکملندی. ایکّی مملکت اورته‌سیده‌گی رسمي علاقه‌لر اوزارا اېلچیخانه‌لر نینگ آچیلیشی بیلن تېزلشدی. رواندا 2013 ییل اگست  آییده انقره‌ده اوز اېلچیخانه‌سینی آچگن بولسه، تورکيه 2014 ییل دسامبرده کیگا‌لیده اوز اېلچیخانه‌سینی آچدی.

 

ایکّی تامانلمه مناسبتلرنی چوقورلشتیریش اوچون یوقاری درجه‌لی تشریفلر عملگه آشیریلدی. تشقی ایشلر وزیری مولود چاووش اوغلی 2016 ییل 30-31 می کونلری رواندا‌گه تشریف بویوردی و تشریف دوامیده‌ "تعلیم ساحه‌سیده همکارلیک بیتیمی"، "تشقی ایشلر وزیرلیکلری اورته‌سیده همکارلیک کیلیشووی" و "دیپلوماتیک پاسپورتلر اوچون اوزارا ویزه معافیت بیتیمی" امضالندی.

 

تورک کمپنیلری نینگ رواندا‌ده‌گی سرمایه کیریتیشلری هم اعتبارگه سزاوار. سونگگی بېش ییلده تورک شرکت‌لری رواندا‌ده توپلم قیمتی 500 میلیون امریکا دالریدن آرتیق بولگن 20 دن آرتیق سرمایه کیریتدی. بو سرمایه کیریتیشلر شو دورده رواندا‌گه کیریتیلگن توغریدن-توغری خارجي سرمایه کیریتیشلر نینگ تخمیناً 13 فایزینی تشکیل اېته‌دی.

 

تعلیم ساحه‌سیده هم همکارلیک دوام اېتماقده. تورکيه مددمعاش‌لری دایره‌سیده هر ییلی رواندا‌لیک طلبه‌لرگه عالي تعلیم مددمعاش‌لری اجره‌تیلماقده. 2019-2020 اوقوو ییلیده لسانس، ماسترلیک و دوکتورا باسقیچلریده 35 نفر رواندا‌لیک طلبه‌ اوشبو مددمعاش‌لردن فایده‌لندی. 1992 ییلدن بویان توپلم 257 نفر رواندا‌لیک طلبه‌ تورکيه‌ده تعلیم آلگن.

 

تورکيه‌ نینگ کیگا‌لیده‌گی اېلچیسی اصلان آلپر یوکسل، ایکّی مملکت اورته‌سیده‌گی مناسبتلر "اعلی" درجه‌ده اېکنلیگینی تأکیدلب، سونگگی اون ییلده مناسبتلر هر ساحه‌ده مهم‌ ترقیاتگه اېریشگنینی بیلدیردی. اېلچی یوکسېل، رواندانینگ 1994 ییلده‌گی قیرغیندن کېین تېز تیکلنیش جریانینی باشیدن کېچیرگنینی و شرقي افریقاده موفقیت تاریخینی یره‌تگنینی تأکیدله‌دی. رواندا‌نینگ انقره‌ده‌گی اېلچیسی فیدېلیس نته‌مپا‌کا میرانکو هم ایکّی مملکت اورته‌سیده‌گی همکارلیکنی کوچه‌یتیریش ایسته‌گینی بیلدیردی. اېلچی میرانکو، تورکيه‌ نینگ اوزاق تاریخگه اېگه‌ اېکنلیگینی و رواندا‌نینگ تورکيه بیلن مناسبتلرینی هر ساحه‌ده رواجلنتیرماقچی اېکنلیگینی افاده‌ اېتدی.

 

تورکيه افریقا قطعه‌سی بیلن مناسبتلرینی افریقا همکارلیک سیاستی اساسیده بوتونلیک و تیزیملی روشده رواجلنتیریب بارماقده. افریقا معمالریگه افریقا بوییچه یېچیملر تاپیش تمایلی دایره‌سیده تېنگ شریکلیک و اوزارا منفعتدارلیک اساسیده، قطعه‌ نینگ برقرارلیگی و ترقیاتیگه حصه‌ قوشماقده. رواندا‌ نینگ شرقي افریقا و بویوک کوللر منطقه‌سیده برقرارلیک و خوفسیزلیکنی تأمینلشگه قوشه‌یاتگن قیمتلی حصه‌سینی ممنونیت بیلن کوزه‌تماقده. کانگو دموکرا‌تیک جمهوریتی بیلن موجود اختلاف نینگ تینچ یول بیلن حل اېتیلیشینی امید قیلماقده و انگولانینگ واسطه‌چیلیگیده آلیب باریله‌یاتگن توغریدن توغری‌ مذاکره‌لرنی صمیمي طرزده قوللب-قوّتله‌ماقده. خلاصه‌ قیلیب ایتگنده، تورکيه و رواندا اورته‌سیده‌گی مناسبتلر دیپلوماتیک، اقتصادي و مدني ساحه‌لرده برقرار رواجلنماقده. اوزارا حرمت و همکارلیک اساسیده رواجلنه‌یاتگن بو مناسبتلر نینگ کېله‌جکده ینه‌ده مستحکملنیشی کوتیلماقده.

 

عزیز تینگلاوچیلر، خلق‌ارا مناسبتلر متخصصی دوکتور جمیل دوغاچ ایپېک نینگ بهالشینی تینگله‌دینگیز. کېلگوسی هفته‌ده ینگی بیر کون ترتیبی موضوعی آرقه لی اوچره شیش امیدی بیلن. یخشی قالینگ.


لیبل: #برنامه

علاقه لی ینگی لیکلر