مینگ ییللیک نینگ ایلک چاره گی نینگ مهم حادثه لری
برنامه
مینگ ییللیک نینگ ایلک چاره گی نینگ مهم حادثه لری
1999 - ییل 31- دسامبر یریم کېچهده دنیا ینگی مینگ ییللگه قدم قویرکن تکنالوژي دنیاسی 1990-ییللرده تېز-تېز تیلگه آلینگن "دیجتال قیامت" بیلن یوزمه-یوز کېلیش عاقبتلرینی تارتیشهیاتگن اېدی. بعضی عالِملر "ی2ک" دېب ناملنگن خطا طفیلی کامپیوترلر 21-عصر باشلنگن دستلبکی دقیقهلرده ایشلهمهی قالیشینی و بو نینگ انسانیت اوچون "دیجتال قیامت" بولیشینی تأکیدلشردی. بونگه کوره، دنیادهگی برچه علاقه، مالیه، ترانسپورت و باغلیق برچه تیزیملر ایشدن چیقهدی، انسانیت مدنیتی یوزلب ییللر آرقهگه کېتهدی، دېییلردی. بیراق ساعت یریم توننی کورسهتگنده بیر نېچته کیچیک استثنالردن تشقری، مینگ ییللیک دن آلدین قیلینگن تیارگرلیکلر اوز نتیجهسینی بېردی و "دیجتال قیامت" یوز بېرمهدی.
دنیا 21-عصرگه قدم قویگن دستلبکی دقیقهلرده انسانیت مینگ ییللیک نی کونگیلآچر تدبیرلر بیلن کوتیب آلهیاتگنده، عالِملر هم خاطرجمع نفس آلیشگندی. بیراق کامپیوتر تکنالوژيسی نینگ ترانسپورتدن مالیه ساحهسیگچه کوندهلیک حیاتگه کوچلی تأثیری، اجتماعي مېدیا و صنعي ذکا ایشلری، چقیروو قوریلمهلری کبی تکنالوژیک واسطهلرنینگ عینِ پیتده انسان حیاتیگه قصد قیلووچی قورالگه ایلنیشی، مینگ ییللیک نینگ بیرینچی چارهگی آرتده قالهیاتگن بیر پیتده 2000- ییلی 1-جنوریده یکونلنگن بحثلرنی ینه کون ترتیبیگه آلیب چیقدی. نخاتکه بیز آرتده قالگن دېب اویلهگن دیجتال قیامتگه قدم-بهقدم یقینلشهیاتگن بولسهک و انسانیت بونی توختهتیش اوچون نیمه قیله آلهدی؟
ینگی مینگ ییللیک نینگ بیرینچی چارهگیده انسانیت نینگ کوتگنلری، اینیقسه اوروش و ماجرالر نینگ آرتده قالیشی، ساغلیق و تکنالوژي ساحهسیده مدنیت نینگ رواجلنیشیگه یاردم بېرهدیگن، اطراف-محیطگه اعتبارلی ینگی اصوللرنینگ کشف اېتیلیشی اېدی، اما سونگگی 25 ییلده یوز بېرگن بعضی حادثهلر امیدسیزلیککه آلیب کېلدی. اوزاق وقتدن بېری دنیانینگ قانهیاتگن یرهسی بولگن اسرائیل- فلسطین بحرانی، وجدانلرنی پرچهلهیاتگن فاجعهلرنینگ یوز بېرهیاتگن بیر معماگه ایلندی.
2009 ییلی 3-جنوریده اسرائیل، بیر هفته دوامیده حربي اوچاقلر بیلن بمباردمان قیلگن غزه سکتوریگه ینگی قوروقلیکدهگی هجومنی باشلهدی. اسرائیل نینگ "قورغاشین قویمه" دېب ناملنگن هجوملریده 1 مینگ 113 نفر فلسطینلیک اهالی هلاک بولدی؛ 4 مینگدن آرتیق بېگناه انسان یرهلندی و اون مینگلب آدم اویینی ترک اېتیشگه مجبور بولدی. 2025-ییلگه یېتیب کېلگن بوگونگی کونلرده، غزه ده کوپ نرسه اوزگرگنی یوق اصلیده. 2023-ییلده باشلنگن و بوگونگی کونگچه دوام اېتهیاتگن اسرائیل هجوملری، ینه مینگلب بېگناه فلسطینلیکلرنینگ حیاتی نینگ یوقاتیشیگه سبب بولهیاتگن بیر پیتده یوز مینگلب انسان اېندی ویرانهگه ایلنگن اویلرینی ترک اېتیب بدرغه بولدی.
مینگییللیک نینگ بیرینچی چارهگیده یقین شرقده، جوده اعتبارلی بیر سوءِقصد، ینه 3-جنوری سنهسیده صادر بولدی. 2020-ییل 3-جنوری کونیده، اېران انقلاب قوریقچیلری تشقی عملیاتلرینی عملگه آشیرووچی قدس کوچلری نینگ قوماندانی قاسیم سلیماني، بغداد هوا قونلغه سیده اولدیریلدی. سلیماني، امریکا اوردوسیگه تېگیشلی بیر اوچووچیسیز هوا واسطهسی (درون) نینگ هجومیده هلاک بولگن بیر پیتده، امریکا قوشمه ایالتلری سوءِقصدنی هېچ ایکّیلنمسدن اوز ذمّهسیگه آلدی و اېران بیلن ینگی بیر بحران نینگ اېشیگینی آچدی.
2006- ییل 4-جنوریده، صبره و شتیللا قاچقینلر کمپلریدهگی قیرغین نینگ مسوولی صفتیده اوز نامینی جهان تاریخیگه قاره حرفلر بیلن یازدیرگن اسرائیل نینگ سابق باش وزیری آریل شارون، ميیه قان قوییلیشی بیلن کوماگه توشدی. 8 ییل دوامیده کوماده قالگن شارون، 2014-ییل 11-جنوریده اولدی.
جنوری آیی نینگ بیرینچی هفتهسیده فضا ساحهدهگی بعضی ایشلر اېسه انسانیت نینگ امیدلرینی کوکرتیرگن واقعهلر آرهسیده جای آلدی. 2004-ییل 4-جنوریده ناسانینگ فضا کېمهسی سپیریت، مریخگه قوندی. وظیفهسینی بجرگن 6 ییل دوامیده مریخ یوزهسیده 773 کیلومتر ایلنگن سپیریت، "قیزیل سیاره" حقیده کوپلب ینگی کشفیاتلرنی عملگه آشیردی.
2005 ییل 5-جنوریده فضاشناسلرنینگ قویاش تیزیمیده میتّی سیاره اېریسنی کشف اېتیشی اېسه پلوتان بحثلرینی اوج آلدیردی، چونکه اېریس، کتله اوله راق پلوتاندن کتّه اېدی. فضاشناسلر 2006-ییلده پلوتان نینگ سیاره بولیش خصوصیتی یوقالگنی سبب میتّی سیاره اېکنلیگیگه قرار قیلیشدی، اما بو قرار، اوستیدهگی یورهک شکلی بیلن کوپلب انسان نینگ حیاتیده علیحده قدرگه اېگه بولگن پلوتاننی سېوووچیلرنینگ یورهگینی آغریتدی.
