سوریه ده کیلجک قوریله دی
برنامه
سوریه ده کیلجک قوریله دی
8-دسامبرده بشارالاسد رژیمی اغدریلگنیدن سونگ، سوريه مخالفتی وقتینچهلیک باشقروونی تشکیل اېتیب، اوّلا خوفسیزلیک، برقرارلیک و اساسي خدمتلرنی قَیته تیکلش اوچون حرکتنی باشلهگن اېدی. شوندن سونگ وزیرلر کېنگشی توزیلدی و کېلهجککه یونهلتیریلگن استقباللرینی اعلان قیله باشلهدی. اولکهدهگی برچه اتنیک، مذهب فرقلرینی اوز ایچیگه آلووچی توزیلمه و توپراق بوتونلیگینی تأمینلهی آلهدیگن ینگی سوريه مقصد قیلینماقده.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.
ینگی سوريه نینگ عملده گی رهبری احمد الشرع نینگ بیاناتلری سوريهدهگی سیاسي جریان نینگ قندهی ایشلشی حقیده مهم اشارهلر بېرماقده. 8-دسامبرده بشارالاسد رژیمی اغدریلگنیدن سونگ، سوريه مخالفتی محمد البشیر باش وزیرلیگیده وقتینچهلیک باشقروونی تشکیل اېتیب، اوّلا خوفسیزلیکنی تأمینلش، کېین اېسه اساسي خدمتلرنی قَیته تیکلش اوچون حرکتنی باشلهگن اېدی. شوندن سونگ وزیرلر کېنگشی توزیلدی و کېلهجککه یونهلتیریلگن استقباللرینی اعلان قیله باشلهدی. اولکهدهگی برچه اتنیک، مذهب فرقلرینی اوز ایچیگه آلووچی توزیلمه و توپراق بوتونلیکنی تأمینلهی آلهدیگن ینگی سوريه مقصد قیلینماقده.
شوندهی قیلیب اینیقسه، مدافعه وزیرلیگی تشکیل اېتیلیب، برچه قوراللی گروهلرنی بیر باشقروو و کنترول آستیده بیرلشتیریش اېنگ مهم مسأله اېدی. حاضرگه قدَر بو جریان یخشی باشقریلماقده و بیر نېچته استثنا منطقهدن تشقری موفقیتگه اېریشیلگن. بو جریاننی بېواسطه احمد الشرع باشقرماقده و مخالف کوچلر اورتهسیده توقنهشوو یوزهگه کېلیشی نینگ آلدینی آلیشگه حرکت قیلماقده. شونینگدېک، قورالینی تاپشیرمهگن اېسکی رژیم قالدیقلری بیلن هم کورهش آلیب باریلماقده. بو گروهلرنینگ، اینیقسه اېراندن کېلگن بویروقلر بیلن نصیری/علويلرنی قوزغهتیشگه قرهتیلگن تبلیغلر قیلهیاتگنی کوزهتیلدی، اما بو گروهلرنی یوق قیلیش جریانی دوام اېتماقده. اوروش جنایتلریگه ارهلشگن شخصلر هم اوشلنگن و حبسگه آلینماقده. سوريه نینگ کېلهجگی نقطهی نظریدن آزچیلیکلرنینگ حمایه قیلینیشی و سفربر قیلینمسلیگی مهم. الشرع نینگ ینگی اساسی قانون و سیلاولر حقیدهگی بیاناتلری هم مهم اهمیتگه اېگه. الشرع نینگ سوريه برچه تامانلر اشتراک اېتهدیگن ینگی اساسی قانون یرهتیش جریانیگه کیریشینی و بو تخمیناً 3 ییل دوام اېتیشی، اوندن سونگ سیلاولر اوتکزیلیشینی اعلان قیلیشی بیزنینگ آلدیمیزگه یول خریطهسینی قویدی.
3-4 ییللیک مدت تیلگه آلینیشی بعضی تنقیدلرگه سبب بولسه-ده، سوريهگه حقیقتاً هم اوزاق وقت کېرهک. اوّلا، مملکت اهالیسی نینگ کمیده اوچدن بیر قِسمی چېت اېللرده قاچاق وضعیتده، ینه میلیونلب سوريهلیک مملکت ایچیده اویلریدن بدرغه بولگن حالده، کوپچیلیگی چادر شهرچهلرده یشه ماقده. مملکت نینگ آست توزیلمهسی کتّه مقدارده ویران قیلینگن، سوريه نینگ شرقیدهگی کتّه حدود حلی هم امریکا قوشمه ایالتلری حاميلیگیده پ ک ک ترور تشکیلاتی نظارتیده. برچه بو حقیقتلر کوز آلدیمیزده تورگنیده، نسبتاً قیسقه مدتده مملکت نینگ ساغلام رقابت محیطیده سیلاولرگه باریشی اونچهلیک حقیقی کورینمهیدی. سوريه نینگ تېزراق توپراق بوتونلیگینی تأمینلب، سیاسي، حربي و اقتصادي برقرارلیککه اېریشیشی، مملکتنی قَیته تیکلش و قاچقینلر همده کوچیریلگن آدملرنینگ اویلریگه قَیتیشی اساسي اوستوار وظیفه. شوندن سونگ اجتماعي کېلیشوو اساسیده اساسی قانون قبول قیلینیشی و برچه بو جریانلردن کېین سیلاولرگه باریش انچه توغری قرار.
بو یېرده، البته، خلقارا همجمعيت ذمّهسیگه هم کتّه وظیفهلر توشهدی. تېزلیک بیلن دَمشق باشقرووی نینگ قانونيلیگی تأمینلنیشی، چېکلاولر بېکار قیلینیشی و منطقوي/گلوبال یاردم اوچون حرکتلر باشلنیشی کېرهک. تورکيه نینگ بو جریانده یېتکچیلیک رولینی اوز ذمّهسیگه آلهیاتگنی و سوريه نینگ اوزیگه مناسب اورینگه کېلیشی اوچون کتّه سعی-حرکت قیلهیاتگنی کورینیب توریبدی. قطر و سعودي عربستان کبی دولتلرنینگ هم فعاللشهیاتگنینی تأکیدلش ممکن. باشقه منطقه مملکتلری و امریکا قوشمه ایالتلری/اروپا اتفاقی کبی باشقه کوچلر نینگ هم اوز منفعتلریدن تشقریگه چیقیب، گلوبال مسوولیت تویغوسی بیلن سوريهنی قوللب-قوّتلشنی باشلشلری ضرور.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.
