ترامپ نینگ باشقروویده گی امریکا قوشمه ایالتلری و دنیا
برنامه
ترامپ نینگ باشقروویده گی امریکا قوشمه ایالتلری و دنیا
ترامپ نینگ کابینه‌سی دېیرلی انیق بولدی. اعلان قیلینگن هر بیر ینگی نام بیلن ترامپ رهبرلیگیده‌گی امریکا قوشمه ایالتلری نینگ ممکن بولگن تشقی سیاستی و حرکتری بوتون دنیا تامانیدن ینه‌ده تشویش بیلن کوتیلماقده. ترامپ حتا "مد من"، یعنی عقلدن چیققن آدم پروفیلی بیلن خوف چېگره‌سی یوقاری بولگن بیر سیما، شو اوچون عمومی مدنیت دایره‌سیدن تشقریده عنعنوي امریکا قوشمه ایالتلری سیاستلریدن تشقری رادیکال قدملر تشلشگه مَیل بولگن بیر رهبر. اوشبو معناده ختای، روسيه-اوکراین، اورته شرق کبی بحران حدودلریده تشله‌یاتگن رادیکال قدملری جدّي ناانیقلیکلر یره‌تماقده.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.
ترامپ کابینه‌سی و اونینگ A تیمی باسقیچمه-باسقیچ شکللنه‌یاتگن بولسه، دنیا نینگ قالگن قِسمی هم تشویش بیلن کوتیب تورماقده. نا‌رسیسلیک خصلتلرگه اېگه بولگن ترامپ نینگ امریکا قوشمه ایالتلری دولت رئیسی صفتیده ینه‌ده کوچلی بولگن بو ینگی دور، خوف چېگره‌سی یوقاری بولگن سیما صفتیده دنیا نینگ قالگن قِسمی اوچون یوقاری خوف تشکیل اېتماقده. نتیجه‌ده، عمومی مدنیت دایره‌سیدن تشقریده عنعنوي امریکا قوشمه ایالتلری سیاستلریدن تشقری رادیکال قدملر تشلشگه میل بولگن رهبر. حاضرگی وقتگچه ترامپ شونده‌ی بیر کابینه توزگنکی، اونینگ ایچیده‌گی اېنگ عاقلانه کیشی اوزی دېییش ممکن.
کابینه ده ا‌ورین آلیش نینگ اېنگ انیق کورینیشی ترامپگه مطلق باغلیغلیک و صادقلیک کبی کورینه‌دی. باشقه خصوصیتلری اېسه تیزیم تشقریسیده‌گی رادیکال غایه‌لرگه اېگه، عامه‌وي، لېکن شو بیلن بیرگه تیزیم نقطه‌ی نظریدن چېتده تورووچی عنصرلر بولیشی. دېیرلی هر قنده‌ی تېگیشلی موضوعده اوتکیر غایه‌لرگه اېگه و ترامپچیلیک آقیمی نینگ بیر اعضاسی صفتیده حرکت قیلماقده‌لر. ترامپ ینگی کادرلر بیلن ایچکی توزیلمه‌ده کتّه کولملی اوزارا کوره‌ش و امریکا قوشمه ایالتلری ده‌گی موجود ترتیبگه قرشی کوره‌شگه تیارلنماقده. لیبرال دېموکرا‌تلرنینگ گلوبالچی یانداشوو‌لری و woke مدنیتیگه قرشی کوره‌شه‌دی، قاچقینلر و مهاجرلرنی مقصد قیلیب، چیگره‌دن چیقریشگه حرکت قیله‌دی، تکنالوژي انحصار‌لری و ییتکرمه‌گه قرشی حرکتلر قیلماقچی بولگن کابینه بار. بیراق تشقی سیاستده هم رادیکال قدملر تشلشی جوده احتمال. بو رادیکال یانداشوو‌لر دنیانینگ قالگن قِسمیده هم ناانیقلیک یره‌تماقده، هم جدّي تشویش حاصل قیلماقده.
ینگی دور و اېسکی ترامپ دوری اورته‌سیده سالیشتیرمه اوتکزیش توغری یاندشوو بولمه‌یدی. بیرینچی دور ترامپ امریکا قوشمه ایالتلری انستیتوتلری نینگ باسیمی آستیده ضعیف، کادرلر اوستیدن نظارت اوتکزالمه‌گن بیر پیتده اېدی. حاضر اېسه او امریکا قوشمه ایالتلری سناسی نینگ ایکّی کانالینی هم نظارت قیلووچی، اوزیگه مطلق بویسونووچی تجربه‌لی کادرلر بیلن کوچلی شکلده سیلنیب کېلماقده.
عمومي بهالشده، ترامپ و اونینگ ینگی کابینه‌سی باشقروویده‌گی امریکا قوشمه ایالتلری فقط اوز منفعتلریگه اعتبار بېره‌دی و کوپ تامانلمه سیاست اورنیگه بیر تمانلمه سیاست آلیب باریشی کوتیلماقده. بو حالت خلق‌ارا تیزیم نینگ لیبرال ترتیبی نینگ آخرگی میخ بوله‌دی و بیزنی اره‌لش ینگی دنیا ترتیبیگه آلیب باره‌دی. امریکا قوشمه ایالتلری بیرلشگن ملتلر تشکیلاتی و ناتو کبی خلق‌ارا تشکیلاتلرگه تأثیر اوتکزالمه‌گنده، اولرنینگ ایچینی بوشه‌ته‌دیگن حرکتلر هم قیله‌دی.
حاضرگه قدَر بولگن یاندشوولرگه قره‌سک، ینگی دورده‌گی امریکا قوشمه ایالتلری نینگ اساسي ستراتیژیک مقصدی ختای بوله‌دی، دېب ایتیشیمیز ممکن. اما ختایگه قرشی قنده‌ی واسطه‌لر بیلن کوره‌شیله‌دی - بو اساسي حل قیلووچی مسأله. ختای نینگ اقتصادي کوچیگه قرشی تورلی چیکلاو‌لر احتمال، لېکن امریکا قوشمه ایالتلری نتیجه چیقره آلمه‌یدیگن جایلریده حربي امکانیتلردن هم فایده‌لنیشی ممکن. اینیقسه، ختای نینگ اقتصادي قیمتینی آزیقلنتیره‌دیگن افریقا کبی حدودلرده امریکا قوشمه ایالتلری اوز حربي کوچیدن فایده‌لنیب، ختای نینگ اقتصادي منبعلرینی، اینیقسه کمیاب اېلېمېنتلرنی کېسیشگه حرکت قیلیشی ممکن.
ترامپ امریکا قوشمه ایالتلری - نینگ عنعنوي اتفاقچیلیک توشونچه‌سینی اساسیدن اوزگرتیرووچی قدملر تشلشنی رېجه‌لشتیریبدی. بو یېرده، اوّلا، قطعه اروپا مملکتلر جدّي تشویشده. ترا‌نس ا‌تلانتیک مناسبتلریده حقیقي و دایمي بحرانلر نینگ پیدا بولیشی و اروپا دولتلری نینگ ینگی ایزلنیشلرگه کیریشلری هم ممکن.
نتیجه‌ده، ینگی ترامپ دوریده ا‌یریم بیر امریکا قوشمه ایالتلری بیلن دوچ کېلیشیمیز ممکن. اساسي سوال: ترامپ دوریده امریکا قوشمه ایالتلری - نینگ په‌سه‌ییشینینگ عکسینچه یونه‌لیشگه اوزگره‌دیمی یاکه پسه ییش ینه‌ده تېزلشه‌دی می؟ بونی وقت کورسه‌ته‌دی. اما امریکا قوشمه ایالتلری - نینگ اوز اتفاقچیلری هم حسابگه آلینگنده، دنیا بویلب بیر تمانلمه سیاست و اقتصادي/حربي مودللرنی قوللش کوچی اېندی قالمه‌دی. شو اوچون ترامپ- نینگ حرکتلریگه کتّه احتمال بیلن عکسینچه عکس العمل بوله‌دی.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.
