تورکيه انرژی یول خریطه سی تیار
برنامه
تورکيه انرژی یول خریطه سی تیار
تورکيه انرژی ساحه‌سیده قیسقه مدتلی یول خریطه‌سینی بېلگیلب آلدی. انرژی و طبيعي منبعلر وزیرلیگی نینگ 2024-2028 ییللری ستراتیژیک رېجه‌سی نینگ تفصیلاتلری هم انیق بولدی. مقصد، دنیاده انرژی ساحه‌سیده‌گی اوزگریشلرنی حسابگه آلگن حالده تورکيه نینگ منبعلری و احتیاجلرینی قاندیریش اوچون قدم تشلشدیر.
اناطولی آژانسی معلوماتیگه کوره، ستراتیژیک رېجه بیلن ایچکی منبعلردن ایشلب چیقریلگن برق انرژیسی 2028 ییلده ییلیگه 270 میلیارد کیلووات-ساعتگه آشیریله‌دی، برق انرژیسی ایشلب چیقریشده‌گی ایچکی منبعلر نینگ اولوشی 63 فایزگه یېته‌دی، قویاش برق استیشن‌لری اورنه‌تیلگن قوّت بوییچه 33 مینگ 100 مېگاواتگه، شمال انرژیسی استیشن‌لری اېسه 19 مینگ 300 میگاواتگه یېتکزیش و 4800 میگاواتلیک اتوم انرژیسی قوّتینی ایشگه توشیریش کوزده توتیلگن.
شو نقطه‌ی نظردن، کونلیک محلي خام نفت ایشلب چیقریشنی 210 مینگ واریلگه، طبيعي گازنی 42،5 میلیون مترمکعب‌گه، طبيعي گاز سقلش حجمینی 12 میلیارد متر مکعب‌گه و ییللیک کان صادرات قیمتینی 10 میلیارد دالرگه آشیریش مقصد قیلینگن.
رېجه‌ده 7 ته مقصد بېلگیلب آلینگن.
شونگه کوره، انرژی تامیناتی نینگ برقرار خوفسیزلیگینی تامینلش، تشقی قره‌ملیکنی کمه‌یتیریش، صفر کاربن گه یونه‌لتیریلگن صاف انرژی ترانسفرمیشنینی عملگه آشیریش، خوفسیز، برقرار و قوشیلگن قیمتلی کانچیلیک، انرژی و کانچیلیک بازاری نینگ ملي و خلق‌ارا ثمره‌دارلیگینی آشیریش، انرژی و طبيعي منبعلر ساحه‌سیده محلي تکنالوژي‌لرنی قوللب-قوّتلش، عمومی ظرفیتنی آشیریش باشلیغلری آستیده 7 ته مقصد و 30 ته وظیفه بېلگیلب آلیندی.
پروگرامده برقرار انرژی تامیناتی خوفسیزلیگینی تامینلش مقصدیده برق انرژیسی بیلن اورنه‌تیلگن قوّتنی آشیریش، برق انرژیسینی استعمال قیلیش و تقسیملش ترماغینی مستحکملش، قَیته تیکلنووچی انرژی منبعلری قوّتینی آشیریش اوچون ترماق نینگ ماسلشووچه‌نلیگینی تامینلش، نفت و گاز آست قوریش توزیلمه‌سی مستحکملنیب، انرژی ساحه‌سیگه خلق‌ارا سرمایه کیریتیش بوییچه همکارلیکنی ینه‌ده رواجلنتیریش تأکیدلندی.
چېتگه قره‌ملیکنی کمه‌یتیریش دایره‌سیده عملگه آشیریله‌دیگن قدملر هم رېجه‌گه کیریتیلگن مسأله‌لر قطاریگه کیریتیلدی. شونگه کوره، ایچکی منبعلر، نفت-گاز، محلي کومیر حسابیدن برق انرژیسی ایشلب چیقریش، خارجده انرژی و کان منبعلرنی قیدیریش و قازیب آلیش کوپه‌یتیریلیشی تأکیدلندی.
تورکيه یشیل انرژی مقصدلری دایره‌سیده تشله‌یدیگن قدملر هم رېجه نینگ مهم قِسمی حسابلنه‌دی.
صفر کاربن‌گه یونه‌لتیریلگن ترانسفرمیشن دایره‌سیده برق انرژیسینی ایشلب چیقریشده تازه انرژی منبعلری نینگ اولوشی، انرژی ثمره‌دارلیگینی اورگنیش بوییچه تدقیقاتلر اوتکزیله‌دی، انرژیده‌گی کاربن کوپلیگی کمه‌یه‌دی، برق ترانسپورت واسطه‌لری نینگ ترانسفرمیشنینی قوللب-قوّتلاوچی کوچلی آست قوریلمه - توزیلمه یرا‌تیله‌دی، یشیل آکسیجن و قَیته تیکلنه‌دیگن گازنینگ قیمت زنجیرلری ایشلب چیقیله‌دی.
خوفسیز، برقرار و قوشیمچه قیمتگه اېگه بولگن قازیب آلیش مقصدیگه موافق، مهم و ستراتیژیک مینیراللرگه اوستونلیک بېریلگن تورکيه نینگ کان ظرفیتی آچیب، اقتصادگه جلب قیلینه‌دی.
کانلر، تورکيه‌ده قَیته ایشلش حسابیگه آشیریله‌دی. تاغ-کان قازیب آلیش نینگ خلق‌ارا ستندردلرده خوفسیز و اطرافنی شقلش طرزده دوام اېتیشی تأمینلنه‌دی. محنتنی محافظه قیلیش مدنیتی تکامللشتیریله‌دی. ساحه‌گه تېگیشلی مؤسسه و تشکیلاتلر دولت خدمتی نینگ ینه‌ده ثمره‌لی، شفّاف و باشقرووگه یونه‌لتیریلگن توزیلمه‌سیگه اوتکزیله‌دی.
انرژی و تاغ-کان صنایعی بازارلری نینگ خلق‌ارا بازارلر بیلن ماسلشووینی تأمینلش آرقه‌لی سودا حجمی آشیریله‌دی و بو ایکّی ساحه‌ده سرمایه کیریتیش محیطینی یخشیلشگه حرکت قیلینه‌دی.
بوندن تشقری، انرژی و طبيعي منبعلر ساحه‌لریده تکنالوژي ایشلب چیقیش و ار-گې تدقیقاتلری آلیب باریله‌دی، تکنالوژي و اسکونه‌لر ملي منبعلر بیلن ایشلب چیقریله‌دی.
بوندن تشقری، وزیرلیک نینگ آست قوریلمه – توزیلمه‌سی مستحکملنه‌دی، اونگه قره‌شلی و تیگیشلی مؤسسه‌لرنینگ عمومی باشقروو ظرفیتی تکامللشتیریله‌دی، دیجتال ترانسفرمیشن و سیبر خوفسیزلیک آست قوریش - توزیلمه‌سی مستحکملنه‌دی، طبيعي آفتلر و فوق العاده وضعیتلرده حرکت قیلیش صلاحیتی کوچه‌یتیریله‌دی.
